Tayyorlagan kurs ishi mavzu : Ta'lim muassasalari xodimlari attestatsiyasi

II Bob. Davlat ta’lim muassasalari xodimlarini attestatsiyadan o‘tkazish.
2.1. Ta’lim tashkilotlari xodimlarini attestatsiyadan o‘tkazish tartibi.

Attestasiya jarayonida olingan yozma ishlar, testlar va o‘quvchilarning javob varaqalari sinflar va fanlar kesimida tikiladi, Tikilgan barcha ishlar, to‘ldirilgan jadvallar, qo‘llanilgan materiallar maxsus qutiga joylashtiriladi. Komissiya ishtirokida va muassasa rahbari guvohligida maxsus quti yelimlanadi, muhrlanadi. Mazkur holat to‘g‘risida dalolatnoma yozilib, imzolanadi. Dalolatnomaning bir nusxasi Ta’lim sifatini nazorat qilish davlat inspeksiyasiga topshiriladi.

Attestasiya hujjatlari keyingi attestasiyaga qadar ta’lim muassasasida saqlanadi. Uning saqlanishiga shaxsan ta’lim muassasasi rahbari mas’ul hisoblanadi.
Davlat inspeksiyasiga topshiriladigan hujjatlar
I jild:
— ta’lim muassasasining attestasiyadan o‘tkazilganligi va uning natijasi haqidagi attestasiya komissiyasining xati (rasmiy xat);
— maktabning guvohnomasi (tasdiqlangan);
— maktabning nizomi (tuman hokimligi ro‘yxatidan o‘tgan bo‘lishi lozim);
— attestasiya o‘tkazish natijalari bo‘yicha xulosa;
— attestasiya komissiyasining (maktabni attestasiyadan o‘tkazish natijalari to‘g‘risida) yig‘ilish bayonnomasidan ko‘chirma;
— maktabning navbatdan tashqari pedagogika kengashi (attestasiya natijalari bo‘yicha xulosa va natijalar bilan jamoani tanishtirish haqida) bayonnomasi;
— 9 ta bo‘limning “Umumiy o‘rta ta’lim maktabi faoliyatini attestasiya jarayonida baholash mezonlari bo‘limiga tegishli “mos”, “mos emas” ko‘rsatkichlari to‘ldirilgan jadvallar;
— 9 ta bo‘limni baholash jadvallari (2-bo‘limdagi 2.1, 2.2 jadval hamda nazorat ishlarining umumiy natijalari);
— dalolatnoma (attestasiya yakuniy hujjatlari umumiy o‘rta ta’lim maktabi direktoriga topshiriladi. Dalolatnomada attestasiya komissiyasi a’zolari, maktab direktori imzosi bo‘lishi kerak).
II jild:
“Umumiy o‘rta ta’lim muassasalarini akkreditasiya qilish uchun attestasiyadan o‘tkazishga oid to‘ldiriladigan jadvallar va jadval bandlari bo‘yicha berilgan baholarni hisoblash texnologiyalari” tikilgan yig‘ma jild topshiriladi.
Eslatma. Barcha bo‘limlarning bandlari bo‘yicha umumlashtirilgan baholash mezonlari jadvallarida attestasiya komissiyasi raisi, hududiy XTB mudiri va muassasa rahbarining imzolari haqiqiyligini tasdiqlovchi muhr bo‘lishi shart.