Tayyorladi: kafedra dotsenti A. V. Narbekov 4-mavzu. Oila tarbiyasi (1-iashg‘ulot) Ma’ruza rejasi: Oilaning belgilari, tuzilishi va vazifalari

 «Daryo» 10.02.2019. 
) 

---

Shuningdek, soxta nikoh, ya’ni er-xotin yoki ulardan birining oila qurish 
maqsadini ko‘zlamay tuzgan nikohi ham haqiqiy emas deb topiladi. Nikoh 
tuzishning ixtiyoriyligi va nikoh yoshi nikohdan o‘tishning asosiy shartlari
hisoblanadi. Nikoh tuzishga majbur qilish taqiklanadi. Nikoh yoshi O‘zbekistonda 
erkaklar va ayollar uchun 18 yosh etib belgilangan. Uzrli sabablar bo‘lganida, 
alohida hollarda nikohlanuvchilarning iltimosiga ko‘ra, nikoh davlat ro‘yxatidan 
o‘tkaziladigan joydagi tuman, shahar hokimi nikoh yoshini ko‘pi bilan bir yilga 
kamaytirishi mumkin. Loaqal bittasi ro‘yxatga olingan boshqa nikohda turgan 
shaxslar o‘rtasida, nasl-nasab shajarasi bo‘yicha to‘g‘ri tutashgan qarindoshlar 
o‘rtasida, farzandlikka oluvchilar bilan farzandlikka olinganlar o‘rtasida, loaqal 
bittasining ruhiyati buzilishi (ruhiy kasalligi yoki akli zaifligi) sababli sud 
tomonidan muomalaga layoqatsiz deb topilgan shaxslar o‘rtasida nikoh tuzishga yo‘l 
qo‘yilmaydi.
Nikohlanuvchi shaxslarni tibbiy ko‘rikdan o‘tkazish shart qilib qo‘yilgan. 
Unga ko‘ra, nikohlanuvchi shaxslar davlat sog‘liqni saklash tizimi muassasalarida 
bepul tibbiy ko‘rikdan o‘tadilar. Belgilangan shartlarning buzilishi sud tomonidan 
nikohni haqiqiy emas deb topish uchun asos bo‘lishi mumkin. 
Nikoh er-xotindan birining o‘limi yoki o‘lgan deb e’lon qilinishi oqibatida 
tugatiladi. Er-xotin hayotligida nikoh nikoxdan ajralish yo‘li bilan bekor qilinishi 
mumkin.
Nikoh to‘yi
– kelin va kuyovning nikohini jamoatchilikka ma’lum qilish 
tantanasi bo‘lib, nikoh to‘ylarida milliylikni saqlagan holda dabdababozlikka 
berilmay, isrofgarchiliksiz, ixcham o‘tkazishga qaratilgan hukumat qarorlari qabul 
qilingan.
Ikkinchi savolga xulosa qilib aytganda nikoh oilaning poydevoridir, uning 
mavjudligi o‘zaro munosabatlarni huquqiy asosga ega bo‘lishi uchun zarur.