Taym Menejment cdr

Болангиз 3 ёшда. Муаммо:
кийимидаги тугмаларни ўзи 
қадай олмайди. Оёқ кийимини ўзи кия олмайди. 
Болангизни ўзи кийим кийиши малакасини ўйин тарзида 
«Қани қанча вақтда тез кийимни кийиш» машқини 
бажаринг. Қиз бола учун бу машқни она бажариши ва 
ўғил бола учун бу машқни ота бажариши мақсадга 
мувофиқдир. Ечилган кийимларни жойига тахлаш нима 
учун кераклигини ўргатинг. Болангизда бу сифат 
шаклланмаётган бўлса, демак, ўзингизнинг 
кийинишингизга ва кийимларингизнинг тартибсизлигига 
эътибор бериб кўринг. Бола сизни, сизни ва яна сизни 
қайтаради.

---

© 
Зебинисо Аҳмедова
13
Бола ва тайм менеджмент
Болангиз ўсмир ёшига етди. Аввалгидек тез кийиниш 
ўрнига ўзига оро бериши пайдо бўлди. Психологик 
жиҳатидан бу меёр деб ҳисобланади. Чунки қиз боланинг 
ва ўғил боланинг бу ёшдаги ўзига оро бериши, сочини 
бошқача тараши ички гормонларнинг ишга 
тушганлигидан далолат беради. Нима қилиш керак?
Ўсмир ёшга қадам қўйган болангизни бу «қилиқлари» 
тагида организм ва жинсий ривожланиш ётганлигини 
тўғри тушунинг. Вақт тушунчасини болаликдан 
шакллантирган бўлсангиз, ўсмирликда бекорчилик, 
ўқимаслик, севги каби муаммоларни тез енгиб чиқади. 
Агар вақт тушунчаси тўғри шаклланмаган бўлса, бекорчи 
ўртоқлар билан ўралашиб қолади. Фақат ва фақат 
болангизни тўғри тушуниш, сабрли бўлиб муносабат 
билдиришингиз яна илгариги тартиб – интизом режимига 
тушишига олиб келади.
Мақсад №4. Овқатланиш вақти қанча бўлиши керак?
Болангизга ёшлигидан овқатланиш вақтини аниқ 
белгиласангиз, ўсмирликда ҳам, вояга етганида ҳам 
тановвул қилиш вақтини, муддатини тўғри 
шакллантиради. Овқат қачон, кимлар билан ва қанча 
муддатда тановвул қилиниши қоидасини оилангизда 
шакллантиринг. Болангиз овқатни қанча муддатда 
ейишини ва овқат тановвул қилишга муносабати қандай 
эканлигини ўрганинг. Овқатланиш ҳам оилангиз 
тарбиясини белгиловчи сифат кўрсаткичи саналади. Баъзи 
оилалардаги дастурхон уззу-кун йиғилмайди. Баъзи 

---

© 
Зебинисо Аҳмедова
14
Бола ва тайм менеджмент
оилаларда оила аъзолари алоҳида овқатланишади. Бир ҳил 
оилаларнинг эркаклари алоҳида, аёллари алоҳида 
овқатланишади. Сизнинг оилангизда овқатланиш вақти ва 
бу маросимга қанча вақт сарфланиши кераклигини ички 
интизом ва қоида сифатида шакллантиринг.