Tayanısh hám pánge baylanıslı ulıwma kompetenciyalar

Ádebiy-sóylew kompetenciyalar (tıńlap túsiniw,pikirin awızeki sóyley alıw pikirin awızeki bayan ete alıw).
А1
Íqsham tekst tiykarında jaratılǵan awdio tekst, video kórinislerdi tıńlap túsine aladı;
ertek, jumbaq, naqıl, jańıltpash, rawiyat, gúrriń, tımsal, xalıq qosıqları, ańız, qosıqlardı oqıp túsinedi hám mazmunın sóylep bere aladı.
jazba hám baspa háriplerdi, olar ańlatatuǵın dawıslardı durıs ayta aladı;
tekstti gáp tolqınına ámel qılǵan halda anıq hám tásirli oqıy aladı;
bir minutta 50 — 55 sózdi oqıy aladı; monologik hám diologik sóylewde óz pikirin anıq jetkere aladı;
úyrenilgen temalar barısında 5-6 gápten ibarat kishi dóretiwshi tekst jaza aladı; mektep kitapxanasınan paydalana aladı;
kishi kólemdegi 8 — 10 qosıqtı yadtan aytıp bere aladı.
А1+
bir minutta 55 — 60 sózdi oqıy aladı;
shıǵarma qaharmanları, tábiyat kórinisleri haqqında 7-8 gápten ibarat kishi dóretiwshi tekst jaza aladı;
kishi kólemdegi 10 — 12 qosıqtı yadtan aytıp bere aladı.
Kórkem shıǵarmalardı talıqlay alıw kompetenciyası
А1
Teksttegi sóz, hám gáplerdiń mánilerin túsine aladı;
Shıǵarma mazmuńınan tásirlene aladı;
Xalıq awızeki dóretpelerinen (ertek, jumbaq, janıltpash, naqıl-maqaldı) ajırata aladı;
Úyrenilgen shıǵarmalardıń atı, avtorı, mazmunı hám qaharmanların ajırata aladı;
Shıǵarma qaharmanlarına pikir bildire aladı;
Oqılǵan shıǵarma mazmunına baylanıslı soraw hám tapsırmalarǵa juwap bere aladı:


Matematika pánin oqıtıwdıń maqset hám wazıypaları
Oqıwshılarda kúndelikli turmısta qollana alıw, pánlerdi úyreniw hám bilim alıwdı dawam ettiriw ushın zárur bolǵan matematikalıq bilim hám kónlikpeler sistemasın qáliplestiriw hám rawajlandırıw;
Jedel túrde rawajlanıp atırǵan jámiyetke say nátiyjeli isley alatuǵın , anıq hám tınıq logikalıq pikir júrgize alatuǵın shaxstı qáliplestiriw;
Milliy, ruwxıy hám mádeniy miyraslardı qádirlew, tábiyiy-materiallıq resurslardan aqılǵa muwapıq paydalanıw hám asırap-abaylaw, matematikalıq mádeniyattı ulıwma jaratılıw mádeniyatınıń bir bólegi sıpatında tárbiyalawdan ibarat.