Tavsiyanom a

T A V S I Y A N O M A
Normurodov Ismoilxon Istamxonovichni 2019-yilning avgust oyida maktabda direktorlik faoliyatimni boshlaganimdan buyon bilaman. Uni tanigan vaqtimdan boshlab o‘z tirishqoqligi, qiziquvchanligi, intiluvchanligi, jamoat ishlarida faolligi va mehnatsevarligi bilan boshqalardan ajralib turadi. Ismoilxon maktabda avval ona tili va adabiyot fani o‘qituvchisi, so‘ng maktabning amaliyotchi psixologi vazifalarida ishlash davrida maktab rahbariyati tomonidan beriladigan topshiriqlarni o‘z vaqtida va sifatli bajarib keldi. U har yili maktab, tuman va viloyat miqyosida bo‘ladigan ko‘rik tanlov hamda anjumanlarda muntazam ravishda qatnashib faxrli o‘rinlarni olib kelmoqda. Shuningdek, Ismoilxon qisqa faoliyati davomida o‘zining mehnatsevarligi, kasbiga fidoyiligi, o‘quvchilarga ta’lim-tarbiya berishda eng samarali usullardan foydalanishi orqali maktab ma’muriyati va o‘quvchilar mehrini qozona oldi. Ismoilxon o‘z kasbdoshlari va o‘quvchilariga qo‘lidan kelganicha yordamini ayamaydi.
Normurodov Ismoilxon Istamxonovich o‘z fazilati, xarakteri hamda mutaxassisligi bo‘yicha har qanday joyda ishlay olishiga ishonaman hamda uning nomini Pastdarg‘om tuman hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash bo‘yicha maslahatchi lavozimiga tavsiya etaman.


Maktab direktori: U.O.Abdullayev
Sana:_______________