Tavsiya etilgan adabiyotlar: 1,“Davlatning iqtisodiy xavfsizligi”. H. P. Abulqosimov. Toshkent 2012 y

Mintaqa iqtisodiy xavfsizligini ta’minlash mexanizmi 
Mintaqa iqtisodiy xavfsizligini ta’minlash dasturini ishlab chiqish jarayonda quyidagilar amalga oshiriladi:

• Milliy iqtisodiyot va mintaqaviy iqtisodiyot doirasida asosiy makroiqtisodiy kо‘rsatkichlar tahlil qilinadi.
• Har bir mintaqaning mamlakat mintaqalari ijtimoiy-iqtisodiy rivojlanishi darajalari klassifikatsiyasidagi о‘rni aniqlanadi.
• Mintaqadagi ijtimoiy-iqtisodiy ahvol tahlil qilinadi.
• Mintaqaning asosiy iqtisodiy manfaatlari aniqlanadi.
• Mintaqa iqtisodiy xavfsizligiga tahdidlar klassifikatsiyasi ishlab chiqiladi.
• Mintaqa iqtisodiy xavfsizligiga real va potensial tahdidlar aniqlanadi.
• Mintaqa iqtisodiy xavfsizligini baholash indikatorlari va usullari belgilanadi.
• Mintaqalarda hayot faoliyati sohalari bо‘yicha turg‘unlik va tanglik holatlari baholanadi.
• Mintaqa iqtisodiy xavfsizligi maqsadlari belgilanadi.
• Iqtisodiy xavfsizlikni ta’minlashga qaratilgan mintaqaviy siyosatning ustuvor vazifalari ishlab chiqiladi.
• Mintaqani ijtimoiy-iqtisodiy rivojlantirish dasturlari ishlab chiqiladi.
• Mintaqa iqtisodiy xavfsizligini ta’minlash chora-tadbirlari majmui ishlab chiqiladi va belgilanadi.
• Iqtisodiy xavfsizlikni ta’minlash bо‘yicha mahalliy hokimiyat va boshqaruv organlarining vazifalari, vakolatlari belgilanadi.
• Mintaqa iqtisodiy xavfsizligi holatini monitoring qilib borish bilan bog‘liq chora-tadbirlar tizimi ishlab chiqiladi.
• Mintaqa iqtisodiy xavfsizligini ta’minlash hamda uning raqobatbardoshligini oshirish uchun mintaqa (hudud) mamlakatda lokomotiv va tayanch mintaqalarni belgilab olish lozim bо‘ladi.

Lokomotiv mintaqa deb quyidagi talablarga javob beradigan mintaqaga aytiladi:

• mintaqada yuk va yо‘lovchi tashish oqimlari barqaror о‘sishi kuzatiladi;
• mintaqada mamlakat uchun ahamiyatli bо‘lgan nufuzli ilg‘or ilmiy-ta’lim markazi faoliyat yuritadi;
• butun mamlakat uchun katta ahamiyatga ega bо‘lgan strategik tashabbus shakllanadi;
• yuqori ilmiy-texnikaviy, intellektual kadrlar va ijtimoiy potensialga ega bо‘lish;
• mamlakat iqtisodiy rivojlanishida salmoqli ulushga ega, ya’ni YAIMdagi ulushi yuqori bо‘lishi lozim;
• mintaqada davlat, fuqarolik jamiyati institutlari va biznes vakillari о‘rtasida strategik hamkorlikning mavjud bо‘lishi;
• 10-15 yillik istiqbolda ushbu mintaqa qо‘shni mintaqa va hududlar rivojlanishiga turtki berish imkoniga ega bо‘lishi kerak.

Bozor iqtisodiyotiga о‘tayotgan mamlakatlar tajribasiga kо‘ra mintaqaviy siyosat tartibga solish usullari orqali mamlakat iqtisodiyoti tarkibiy tuzilishini о‘zgartirishga ta’sir etadi.
О‘zbekiston Respublikasi mintaqalari ijtimoiy-iqtisodiy darajalari va iqtisodiy-tabiiy salohiyatidagi farqlar ularni istiqbolda hududiy hamda tarmoq xususiyatlarini hisobga olgan holda rivojlantirish dasturlarini ishlab chiqish jarayonlarini takomillashtirishni taqozo yetadi.
О‘zbekistonda mintaqaning ijtimoiy-iqtisodiy rivojlanishini davlat tomonidan tartibga solishdan kо‘zlangan bosh maqsad mintaqalarni barqaror rivojlantirishni rag‘batlantirish va iqtisodiy-ijtimoiy rivojlanishi darajalarida keskin farqlarning vujudga kelishiga yо‘l qо‘ymaslik uchun sharoit yaratishdan iborat.