Tavsifnoma so'ralgan joyga taqdim etish uchun berildi

TAVSIFNOMA
Berildi ushbu tavsifnoma Buxoro Davlat Universiteti Xorijiy tillar fakulteti Xorijiy til va adabiyoti kafedrasi ll-17chi 18-guruhi talabasi Murodova Nilufarga, shu haqdakim, u haqiqatdan ham 2021- yil 6-sentabrdan 15-noyabrgacha Romitan tumanidagi 10-umumiy o'rta ta'lim maktabida amaliyotni o'tadi.
Murodova Nilufar pedagogik amaliyot davrida 5-»A» sinfida ingliz tili fanidan darslarni va sinf rahbarlik ishini olib bordi. U o'z darslarida noan'anaviy va didaktik o'yin texnologiyalaridan foydalanib, tarqatma materiallar, she'rlar, qo'shiqlar, rolli o'yinlar, boshqotirmalar va qiziqarli savol- javoblardan foydalangan holda, o'quvchilarning bilim samaradorligini oshirishga hissa qo'shdi. Murodova Nilufar 12-oktabr kuni 5-»A» sinf o'quvchilari bilan 'Are there any fruits in the fridge' mavzusida noan'anaviy dars hamda 30-oktabr kuni 5-»A» sinf o'quvchilari bilan 'English in our school life' mavzusida tadbir o'tkazib, maktab jamoasi va o'quvchilar orasida katta obro'ga ega bo'ldi va o'zining izlanuvchan hamda ijodkor o'qituvchi ekanini yaqqol namoyon qildi.
Murodova Nilufar 5-»A» sinf rahbari sifatida ham faoliyat ko'rsatib, o'zining xushfe'l, talabchan va o'z ishida mas'uliyatli ekanini ko'rsata oldi. U sinf rahbariga barcha ishlarida yaqindan yordam berdi va sinf o'quvchilari bilan maktab va jamoat ishlarida faol va shijoatli ishtirok etib, 12-noyabr kuni tarbiyaviy ochiq dars o'tkazdi.
Maktab ma'muriyati va ingliz tili fani metod birlashmasi Murodova Nilufarga kelajakda yetuk malakali mutaxassis bo'lib yetishadi, deb ishonch bildirdi.
Tavsifnoma so'ralgan joyga taqdim etish uchun berildi.

Maktab direktori:

Metod birlashma raisi:

5-»A» sinf rahbari: