3-topshiriq. -don, -chi, -iy, -aki, -illa, -ona qo‘shimchalari
yordamida so‘zlar hosil qiling va ular ishtirokida gaplar tuzing.
4-topshiriq. Matnni o‘qing, undagi qo‘shimchalarni so‘z
yasovchi, lug‘aviy shakl yasovchi va sintaktik shakl yasovchi
qo‘shimchalarga ajrating. Matn oxirida keltirilgan gapga munosaba-
tingizni bildiring.
Bir bog‘bonning uch o‘g‘li bor edi. Uchalasi ham yalqov
va dangasa edilar. Bog‘bon bir kuni kasal bo‘lib yotib qoldi.
O‘g‘illarini chaqirib: «Tokzorning ichiga bir ko‘za oltin ko‘mib
qo‘yganman. Mendan keyin o‘zingiz kovlab topib, bo‘lishib
olarsizlar», — dedi va bir necha kundan so‘ng vafot etdi. O‘g‘illari
oltin izlab, bog‘ni ag‘dar-to‘ntar qilib chiqdilar, lekin hech
narsa topa olmadilar. Biroq shu yili mevalari shu darajada ser-
hosil bo‘ldiki, cho‘ntaklari pulga to‘ldi. So‘ngra o‘g‘lonlar
angladilarki, oltin yerda emas, mehnatda ekan. (Rivoyat)
Do'stlaringiz bilan baham: |