Таснифланишини

5. Ўзбекистон Республикасида ТИФ ТНнинг юритилиши
Ўзбекистон Республикасида расман 1993 йилда фақат хорижий
давлатлар учун, 1994 йилнинг 1 январидан бошлаб эса, барча давлатлар чун божхона юк декларациясини расмийлаштириш жорий этилди ва ТИФ
ТН амалда қўлланила бошланди.
БЮДнинг ҳуқуқий асослари:
ЎзР ВМ 1993 йил 7 октябрдаги 372-Ф-сонли фармойиши;
Давлат божхона қўмитасининг 1993 йил 23 декабрдаги “Ўзбекистон
Республикаси божхона чегарасидан ўтадиган юкларга ҳуқуқий рухсат
беришни таъминлаш ва декларациялаш тўғрисида”ги 162-сонли буйруғи;
Ўзбекистон Республикаси Адлия вазирлигида 1999 йил 3 ноябрда
834-сон билан давлат рўйхатидан ўтган “Божхона юк декларацияларини тўлди-риш тартиби тўғрисидаги йўриқнома” Давлат божхона қўмитасининг 1999 йил 15 ноябрдаги 426-сонли буйруғи ҳисобланади.
Дастлаб, ТИФ ТНнинг 1992-1993 йилларда Москвада нашр этилган,
Россия Федерал божхона хизмати томонидан амалга киритилган товар
номенклатурасидан фойдаланилди.
1995 йилда ДБҚнинг Марказий божхона экспертиза лабораторияси,
шунингдек, етакчи ДБҚ бошқармаларнинг тажрибали мутахассислари
томонидан Ўзбекистон Республикасида миллий товарлар номенклатурасини ишлаб чиқиш устида иш олиб борилди. Мазкур миллий товарлар номенклатураси, тегишли вазирликлардан ижобий хулосалар олингандан сўнг, 1996 йилда унинг дастлабки нусхалари чоп этилди. Бу товарлар номенклатурасига Ўзбекистон иқтисодиётида муҳим бўлган 200дан ортиқ (улардан баъзилари - эндемик, миллий) товарлар киритилиб, уларга код рақамлари белгиланди.
Ўзбекистон Республикасида ТИФ ТНнинг бутун дунё амалиётида
қўлланилаётган Уйғунлашган тизимига асосланган вариантлари ишлаб
чиқилган ва амалиётга киритилган. Жумладан, босқичма-босқич Ўзбекистон Республикаси ТИФ ТН қуйидаги вариантлари ишлаб чиқилган: - дастлаб, Ўзбекистон Республикаси Вазирлар Маҳкамасининг 2001 йил 3 февралдаги 66-сонли қарорига биноан, 1996 йилда Россия Федерацияси Давлат божхона қўмитаси томонидан ишлаб чиқилган ташқи иқтисодий фаолият учун товарлар номенклатураси асосида, Ўзбекистон Республикаси-нинг ТИФ ТН ишлаб чиқилган ва 2001 йил март ойидан бошлаб амалга киритилди;