Тақсимот каналлари, уларнинг тузилиши ва мазмуни

КИРИШ
Мавзунинг долзарблиги. Ўзбекистон Республикаси иқисодиётининг ва ислоҳотларнинг чуқурлашуви ҳамда ижтимоий йўналтирилган бозор иқтисодиётига ўтиши фан ва амалиёт олдига янги вазифалар қўяди. Бу вазифалар қаторига корхонада маркетинг фаолиятини ташкил этиш, уни тўғри йўлга қўйиш, унинг услубларини жорий этиш кабиларни киритиш мумкин. Дарҳақиқат, туб ислоҳотлар асосида бозор иқтисодиётига босқичма-босқич ўтиш миллий иқтисодиётнинг савдо корхоналари фаолиятини маркетинг тамойиллари асосида тадқиқ этишни тақозо этмоқда.
Бозор талабини яхши билиш корхонага маҳсулот ассортиментини режалаштириш, ишлаб чиқариш харидор талабига мос равишда аниқ амалга ошириш имконини берувчи маркетинг фаолиятини ташкил этишга шароит яратади. Айниқса, бу муҳим масала савдо корхоналари фаолиятида муҳим аҳамият касб этади. Бу вазифаларни бажаришда тизимли ёндашув талаб этилади ва корхонада маркетинг фаолиятини ташкил этиш зарурияти вужудга келади. Бу эса, ўз навбатида, илмий изланишнинг долзарблигини белгилайди.
Республикамизда бозор муносабатларини изчил ривожланиши, кичик бизнес ва тадбиркорлик соҳалари учун қулай шарт-шароитларнинг яратилиши, савдо соҳасида давлат мулкчилигининг тугатилиши ва эркин рақобат муҳитини ривожланишига сабаб бўлди.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси асосида мамлакатимизда амалга оширилаётган кенг кўламли ислоҳотларнинг бош мақсади – кучли, рақобатбардош инновацион миллий иқтисодиётни яратиш ва шунинг ҳисобидан аҳоли фаровонлигини мунтазам ошириб боришдир¹.
Ишлаб чиқариладиган товар ёки кўрсатиладиган хизмат бозорда талаб қилинганида ҳамда мазкур товар ёки хизматни сотиб олинишидан харидорларнинг баъзи бир эҳтиёжлари қондирилиши даромад келтирган ҳолда тадбиркорлик фаолияти самарали ҳисобланади.Лекин шу билан бир қаторда, корхона фаолиятида сотув тизими таҳлили ва уни такомиллаштириш йўллари ва унинг услубларини жорий этиш, иқтисодий ислоҳотлар талабига мос маркетинг тизимини ривожлантириш мазкур курс ишининг долзарблигини белгилаб беради.