Ташвиш келса, бирдам, бирдона халқмиз, Ҳақ деб яшар феъли дурдона халқмиз

ГЎЗАЛ ҲАЁТ

Ташвиш келса, бирдам, бирдона халқмиз,

Ҳақ деб яшар феъли дурдона халқмиз.
Эй, юртдошлар, қадни мағрур тутайлик,
Заҳматларни енган мардона халқмиз!

Ўтар бу кун ёмон тушга айланиб,

Қолмас сира баҳор қишга айланиб,
Бирлашайлик кўринмас ёвга қарши,
Тумарису Алпомишга айланиб.

Гўзал ҳаёт давом этмоғи учун,

Юрт отасин элга даъвати бугун.
Азизларим, биздан темир интизом,
шунда асло Тонгларимиз бўлмас шом!

Гўзал ҳаёт}3 давом этмоғи учун,

Сабру сабот}2 сабот билан кўрсатинг халқнинг кучин.
Дилда вафо, садоқатлар кўпайди,
Мурувватлар, саҳоватлар кўпайди.
Хаста жонлар тузалмоқда кун сайин,
Умидбахш зўр жасоратлар кўпайди
Сабр кучин кўрсатинг уйда қолиб,
Бу дардлардан шунда бўлгаймиз ғолиб.
Меҳнатдадир шифокорлар туну кун,}
Юртбошининг меҳридан қувват олиб}2.
Гўзал ҳаёт}3 давом этмоғи учун,
Сабру сабот}2 сабот билан кўрсатинг халқнинг кучин.

Қутлуғ йўллар ёруғ манзилга бошлар,

Аждодлардан мерос буюк бардошлар,
Бир мушт бўлиб, битта мақсад йўлида,
Иродамиз кўрсатайлик, юртдошлар!
Синовлардан фақат нодон қочгайдир,
Доно ҳикмат эшикларин очгайдир,
Асил мард эл оғир кунда синалгай,
Мардга Оллоҳ раҳмат нурин сочгайдир!
Дуо қилар тинмай ота-оналар,
Бу кун ростга айланди афсоналар.
Тез кунда қад ростлар айтинг, қай юртда,
Бизникидай улкан шифохоналар?!

Гўзал ҳаёт давом этмоғи учун,

Юрт отасин элга даъвати бугун.
Азизларим, биздан темир интизом,
шунда асло Тонгларимиз бўлмас шом!
Гўзал ҳаёт}3 давом этмоғи учун,
Сабру сабот}2 сабот билан кўрсатинг халқнинг кучин.

✍Ботиржон ЭРГАШЕВ

@Botirjon_Ergashev