Tashqi sarlavha

4.13 – mavzu: FARMATSEVTIK MASALALARNING ALGORITMLARI VA ULARNING

TURLARI.

Reja

1. Kompyuterda masala yechishning asosiy bosqichlari.

2. Algoritmlash asoslari.
Tayanch iboralar: Algoritm, chiziqli, tarmoqlanuvchi, takrorlanuvchi, umumlashgan algoritmlar.
1. Kompyuterda masala yechishning asosiy bosqichlari.

Algoritm (algorifm) so‘zi o‘rta asrlarda paydo bo‘lib, buyuk o‘zbek mutafakkiri Al-Xorazmiyning (783-855) ishlari bilan evropaliklarning birinchi bor tanishishi bilan bog‘liqdir. Bu ishlar ularda juda chuqur taassurot qoldirib, algoritm (algorithmi) so‘zining kelib chiqishiga sabab bo‘ldiki, u Al-Xorazmiy ismining lotincha aytilishidir.

Algoritm deganda, berilgan masalani echish uchun ma’lum tartib bilan bajarilishi kerak bo‘lgan chekli sondagi buyruqlar ketma-ketligini tushuniladi.

Masalani echishning algoritmini turli usullar bilan ifodalash mumkin:

– so‘z bilan;

– blok-sxemalar shaklida;

– formulalar orqali;

– algoritmik tillar orqali va x.z.