Tashqi sarlavha

Giperbog'lanishlar o‘rnatish. Elektron darslikni yaratishda har bir bob va bo‘limlarini giperbog'lanish yordamida bir-biriga bog'lashimiz lozim. Ushbu bog'lanish yordamida biz mundarijaga yoki biron-bir rasmga murojaat etganimizda bizga kerakli slayd ochilish imkoniyati tug'iladi.

3.23-rasm. Harakatlarni belgilash oynasi.

Matnlarga giperbog'lanishni o‘rnatish - Power Point dasturining yanada funktsional imkoniyatini oshiradi. Giperbog'lanishni oddiy matnga yoki ixtiyoriy rasmlarga bog'lashimiz mumkin. Misol sifatida oddiy matnga o‘rnatilgan giperbog'lanish ko‘rib chiqamiz. Buning uchun biror bir so‘zni blokka olamiz va sichqonchaning o‘ng tugmachasini bir marta bosamiz. Natijada kontekst menyusi ochiladi. Bu kontekst menyudan «Гиперссылка» buyrug'ini tanlaymiz. Yoki «Вставка» menyusiga kirib huddi shunday «Гипер-ссылка» buyrug'ini tanlashimiz mumkin. Ushbu tugmachani tanlaganimizdan so‘ng «Добавление гиперссылки» muloqot oynasi paydo bo‘ladi (3.24-rasm). Ushbu muloqot oynasida bog'lanish uchun faylni ko‘rsatamiz.

3.24-rasm. «Добавление гиперссылки» muloqot oynasi.

Ochilgan oynadan biz ishlayotgan faylimizdagi biron-bir slaydga yoki umuman boshqa faylga giperbog'lanishni yaratish imkoniyatimiz mavjud. Buning uchun ochilgan oyna orqali o‘zimizga kerakli bandni tanlab olishimiz zarur. Elektron darslikning mundarija qismidan kerakli bobga o‘tishni tashkil etish uchun «Местом в документе» bo‘limini tanlab ochilgan oynadan kerakli slaydni belgilashimiz tavsiya etiladi (3.25- rasm).

Agar joriy faylni o‘zidan biror bir slaydga bog'lamoqchi bo‘lsak slayd nomi va joyini belgilaymiz. Buning uchun «Закладка...» bo‘limini tanlaymiz. Natijada slayd nomini tanlash imkoniyatini beruvchi yangi muloqot oynasi paydo bo‘ladi. Ushbu muloqot oynasidan bog'lanishi kerak bo‘lgan slaydni sichqoncha chap tugmachasi yordamida aktivlashtiramiz va «ОК» tugmachasini tanlaymiz. Natijada muloqot oynasi yo‘qoladi va oldingi oynaga qaytib qoladi. Boshqa hech narsani o‘zgartirmoqchi bo‘lmasak bu erdan ham «ОК» tugmachasini tanlaymiz.
Power Point ADPdan prezentatsiyalarni loyihalashtirish va ishlab chiqishda ma'ruzachilarga keng imkoniyatlar yaratib beradi.

3.25-rasm. «Добавление гиперссылки» muloqot oynasidan slaydlarni
o‘zaro bir-biriga bog'lash oynasi.