Tashqi iqtisodiy faoliyat. Bojxona / Bojxonaga oid qonun hujjatlari]

30) 35-grafa. “Brutto vazn (kg)”.

Grafada BYuDning 31-grafasida deklaratsiyalanayotgan tovarning kilogrammdagi “brutto” og‘irligi ko‘rsatiladi. “Brutto” og‘irlik deganda tovarning umumiy og‘irligi, shu jumladan tovar muomalaga kiritilgunga qadar holatini o‘zgarmasligini ta’minlab turish uchun zarur bo‘lgan uning barcha turdagi o‘ramlari (konteyner va boshqa transport uskunalari bundan mustasno) bilan birgalikdagi og‘irligi tushuniladi.

Brutto vazn matematik qoidalarga ko‘ra verguldan keyingi uchinchi raqamgacha yaxlitlanadi.

Agar tovarning umumiy og‘irligi bir kilogrammdan kam bo‘lsa, brutto vazn verguldan keyingi uch belgigacha aniqlikda ko‘rsatiladi.

Agar tovarning umumiy og‘irligi bir grammdan kam bo‘lsa, brutto vazn verguldan keyingi olti belgigacha aniqlikda ko‘rsatiladi.

Quvur transporti bilan olib o‘tilayotgan tovarlarni deklaratsiyalashda tovarning umumiy og‘irligi ko‘rsatiladi.

Grafa elektr uzatish liniyalari orqali olib o‘tiladigan tovarlarni deklaratsiyalashda to‘ldirilmaydi;

Oldingi tahrirga qarang.

(22-bandning 31-kichik bandi O‘zbekiston Respublikasi Davlat bojxona qo‘mitasining 2019-yil 22-fevraldagi 01-02/15-15-sonli qaroriga (ro‘yxat raqami 2773-3, 25.02.2019-y.) asosan chiqarilgan — Qonun hujjatlari ma’lumotlari milliy bazasi, 25.02.2019-y., 10/19/2773-3/2664-son)