Ташкилоти билан муносабатлари тарихи

Тадқиқотнинг объекти энг янги тарих ва халқаро муносабатлар 
контекстида Ўзбекистон Республикасининг кўптомонлама ҳамкорлигини 
тадқиқ этиш ҳисобланади.
Тадқиқотнинг предмети Ўзбекистон Республикасининг БМТ ва унинг 
ихтисослашган муассасалари билан ижтимоий-сиёсий ва маданий 
масалалардаги ҳамкорлиги тарихи этиб белгиланди.
Тадқиқотнинг усуллари. Диссертацияда тарихийлик тамойили, 
фанлараро ёндашув, муаммовий-хронологик ва қиёсий таҳлил усулларидан 
фойдаланилди. 
Тадқиқотнинг илмий янгилиги қуйидагилардан иборат:
Ўзбекистон Республикасининг халқаро ташкилотлар билан ижтимоий-
сиёсий, савдо-иқтисодий ва маданий ҳамкорлиги динамикаси ёритиб 
берилган; 
БМТни ислоҳ этиш муаммолари ва бу борада Ўзбекистоннинг 
ташкилотни босқичма-босқич ривожлантириш, шу жумладан, БМТ 
Хавфсизлик Кенгаши доимий аъзолари сафини кенгайтириш, Бош котиб 
ваколатларини кучайтириш каби таклифлари кўрсатиб берилган;
Ўзбекистон Республикасининг БМТ билан ўзаро ҳамкорлигининг 
трансформация жараёнларининг ижобий жиҳатлари, амалга оширилган 
дастурлар ҳамда лойиҳалардаги камчиликлар ва уларни бартараф этиш 
масалалари асослаб берилган; 
Марказий Осиё минтақаси муаммолари ҳамда бу борада Ўзбекистон ва 
БМТ ҳамкорлигининг устувор йўналишлари, минтақада барқарор тараққиёт 
ва тинчликни таъминлаш борасидаги масалалар очиб берилган; 
Ўзбекистоннинг БМТ ва унинг ихтисослашган муассаслари билан 
гуманитар соҳадаги, хусусан, фан, таълим, маданият ва туризм 
йўналишларидаги ўзаро муносабатлари ёритиб берилган. 
Тадқиқотнинг амалий натижалари. Тарихий ва фанлараро 
ёндашувлардан келиб чиққан ҳолда Ўзбекистон Республикаси ташқи 
сиёсатининг устувор йўналишларини тадқиқ қилишда қўлланиши мумкин 
бўлган жиҳатлар аниқланган; 
Ўзбекистонннинг БМТ ва унинг ихтисослашган муассасалари билан 
сиёсий, иқтисодий, ижтимоий ва маданий ҳамкорлигининг асосий 
йўналишлари ва бу борада эришилган натижалар таҳлил этилиб, аниқланган 
муаммолар бўйича таклиф ва тавсиялар ишлаб чиқилган; 
Ўзбекистон ва БМТ муносабатлари тарихига доир бир қатор янги 
маълумотлар ва ҳужжатлар илк бор илмий муомалага киритилган.
кенг турдаги хорижий ва маҳаллий адабиётлар таҳлили мисолида 
Ўзбекистон ва БМТ ҳамкорлиги динамикаси кўриб чиқилиб, улар асосида 
Ўзбекистоннинг энг янги тарихини ўрганиш ва ўқитишда фойдаланиш 
мумкин бўлган маълумотлар кўрсатиб берилган.