Tashkilot xodimlarini boshqarish

TASHKILOT XODIMLARINI BOSHQARISH

• Virtual jamoalar.
• Bunday jamoa geografik yoki tashkiliy jihatdan sochilib ketgan ishlovchilardan tarkib topadi, ular bir-birlari bilan ko’proq ilg’or axborot va telekommunikatsion texnologiya yordamida aloqa qiladilar. Ayrim virtual jamoalar to’liq firma xodimlaridan iborat bo’ladi, boshqalari esa shartnoma asosida ishlovchilarni, sherik tashkilotlarning a‘zolarini, xaridorlar, yetkazib beruvchilar, maslahatchilar va boshqa chetdan kelgan shaxslarni o’z ichiga olishi mumkin. Jamoa a‘zolari o’zaro aloqa qilish uchun e-maildan, xabarlarni bir zumda uzatish tizimlari, ovozli pochta, videokonferensiyalar, internet, intranet va jamoaviy ishlash uchun dasturiy ta‘minotdan foydalanadilar, shaxsiy uchrashuvlar ham bundan mustasno emas. Ko’pgina virtual jamoalar o’z mohiyatiga ko’ra xarid muammolarini hal qilishga yoki aniq loyihalarni bajarishga qaratilgan ko’p funksiyali jamoalardan iborat bo’ladi. Boshqalari esa doimiy ravishda faoliyat ko’rsatadigan o’z-o’zini boshqaruvchi jamoalar bo’lib hisoblanadi.

• TASHKILOT XODIMLARINI BOSHQARISH

• Global jamoalar bu turli millat va mamlakat vakillaridan tashkil topgan xalqaro jamoalardir, ularning faoliyati bir necha mamlakatlar hududida amalga oshirilishi mumkin. Global jamoalarning ko’pchiligi ikki toifadan biriga tegishlidir. Birinchi toifa - intermadaniyat jamoalari bo’lib, ular shaxsan uchrashib turadigan turli mamlakat va madaniyat vakillaridan tarkib topgan. Ikkinchi toifa - virtual global jamoalar - ularning ishtirokchilari butun dunyo bo’ylab sochilib ketgan va o’zaro elektron kommunikatsiya vositalari yordamida muloqot qiladilar. Masalan, dasturiy ta‘minotni ishlab chiqish bo’yicha bir firmaning dasturchilaridan tuzilgan global jamoalar o’z ishlarini elektron aloqa kanallari yordamida muvofiqlashtiradilar, shu bois har bir jamoa amalda sutka davomida tinmay ishlaydi. Jamoaning Londonda ishlovchi a‘zolari dastur matnlarini kodlashtiradilar va ularni o’z hamkasblariga AQShga testdan o’tkazish uchun jo’natadilar, jamoaning amerikalik a‘zolari esa yuz berishi mumkin bo’lgan xatolarni aniqlash uchun Tokiodagi hamkasblariga yuboradilar, keyin yangi ish sikli (davri) boshlanadi. A‘zolari turli mamlakatlarda ishlaydigan har xil virtual jamoalarning yaratilishi so’nggi vaqtlarda juda ommalashdi.

•