Tashkiliy hujjatlar

Xizmat safari guvohnomasi. Xodim zimmasiga safar vaqtida yuklatilgan xizmat vazfasini bajarishga vakolat beradi. U muassasa rahbari buyrug‘idan so‘ng xodim qo‘liga beriladi. Xizmat safariga jo‘nab ketish oldidan va qaytib kelgandan so‘ng o‘sha sanalarni ko‘rsatib, muassasa mansabdor shaxsi guvohnomaning tegishli joyiga imzo chekadi va muhr bosadi.

Xizmat safari guvohnomasini rasmiylashtirishda muhrlar va imzolar bo‘lishiga alohida ahamiyat berish kerak, aks holda, xizmat safari bilan bog‘liq sarflar bo‘yicha hisob-kitob qilishda guvohnoma hujjat vazifasini o‘tay olmaydi. Xizmat safari guvohnomasi shakli O‘zbekiston Respublikasi Adliya vazirligi tomonidan 2003-yil 29-avgustda 1268-son bilan davlat ro‘yxatidan o‘tkazilgan “O‘zbekiston Respublikasi ichkarisidagi xizmat safarlari to‘g‘risida yo‘riqnomani tasdiqlash haqida”gi qo‘shma qaror (O‘zbekiston Respublikasi Moliya vazirligi hamda Bandlik va mehnat munosabatlari vazirligining 2019-yil 12-avgustdagi 92- va 34-2019-QQ-sonli qarori bilan tahrir etilgan) bilan tasdiqlangan.