Ташиш жараёни ҳақида умумий маълумот

темир йўл станцияси – умумий фойдаланишдаги темир йўл транспортининг бўлинмаси бўлиб, поездлар ва бошқа транспорт воситалари билан технологик операциялар (қабул қилиш ва жўнатиш, маневр ишлари ва ҳ.к.) ларни ҳамда юк ва багажларни қабул қилиш ва топшириш бўйича операцияларни, йўловчиларга хизмат кўрсатишни амалга оширади;
темир йўл бўлинмаси – йўловчи, юк ва багажларни ташишларни амалга ошириш ҳамда бошқа транспорт ишларини бажариш ва юридик ва жисмоний шахсларга хизмат кўрсатиш бўйича темир йўл тармоғининг муайян минтақасидаги корхона;
ташиш ман қилинган юк - Ўзбекистон Республикаси қонун ҳужжатларига ва юкларни ташиш Қоидаларига мувофиқ темир йўл ҳаракатидаги составларда ташишга рухсат берилмаган юк;
умумий фойдаланиш жойлари - темир йўл корхонаси тасарруфидаги ёпиқ омборлар ҳамда юкларни ва багажларни ортиш, тушириш, сақлаш бўйича операцияларни бажариш учун темир йўл станцияси худудидаги махсус ажратилган йўл участкаси;
ноумумий фойдаланиш жойлари – юк жўнатувчиларга, юк олувчиларга юкларни ортиш, тушириш, сақлаш операцияларини бажариш учун вақтинчалик фойдаланишга темир йўли корхоналари топширган ва темир йўл станцияси ҳудудидаги махсус ажратилган ёпиқ омборлар, майдонлар ва бошқа иншоотлар ҳамда темир йўли, унинг корхонаси тасарруфида бўлмаган темир йўл станцияси территорияси чегераси ташқарисидаги тегишли объектлар;
ташиш ҳужжатлари - йўловчи, юк, багаж ва юк багажи ва ҳаракатдаги составларни расмийлаштириш ҳужжати (юкхати, йўл қайдномаси, қайтариб юбориш (пересылочная) юкхати, қайтариб юбориш қайдномаси, сафар (проездной) ҳужжати (чипта), багаж паттаси, юк паттаси);
транспорт темир йўл юкхати (юкхати) – белгиланган шакилдаги асосий ташиш ҳужжати. Юк хати ташиш шартномасини мажбурий шакли ҳисобланиб, қайсики у учунчи тараф - юк олувчи фойдасига юк жўнатувчи ва темир йўли корхонаси ўртасида тузилади ва йўл сафарида юкка ҳамроҳ бўлиб боради.
темир йўл шохобча йўли – бир ёки бир неча корхоналарга транспорт хизмати кўрсатиш учун мўлжалланган темир йўллар;