Tasdiqlayman” Yangiqo‘rg‘on axborot texnologiyalari texnikumi direktori

Xavfsiz standart sozlanmalarni o`rnatish

Amalda aksariyat dasuriy ta’minotlarda, operatsion tizimlarda ko`plab xavfsizlik sozlanmalari standart tartibda o`rnatilgan bo`ladi. Biroq, bu holat foydalanuvchilar tomonidan ko`p ham yaxshi qabul qilinmaydi va shuning uchun aksariyat hollarda ushbu sozlanmalarni o`chirib qo`yish amalga oshiriladi.

Misol:

OTda parollarni eskirish vaqti standart holda o`rnatilgan bo`ladi. Biroq, aksariyat foydalanuvchilar tomonidan ushbu sozlanma o`chirib qo`yiladi.

Minimal imtiyozlar printsipi

Axborot xavfsizligi, informatika, dasturlash va boshqa sohalarda keng qo`llaniluvchi minimal imtiyozlar printsipi (ingl. Principle of least privilege) bu – hisoblash muhitidagi u yoki bu abstraktsiya darajasida resurslarga murojaatni tashkil qilish printsipi bo`lib, bunga ko`ra har bir modul o`z vazifasini to`laqonli bajarishi uchun zarur bo`lgan resurs yoki axborotdan minimal darajada foydalanishni talab etadi.

Misol:

Turli vaqt o`tkazish uchun ishlab chiqilgan mobil o`yin dasturlar SMS xabarni o`qish yoki qo`ng`iroq qilish imkoniyatiga ega bo`lishi shart emas.