Tasdiqlayman” Toshkent soliq texnikumi direktori F. X. Tillayev “ ” 2021 yil

“TASDIQLAYMAN”
Toshkent soliq texnikumi direktori
_________________ F.X.Tillayev
“___”___________ 2021 yil
“Korrupsiya - rivojlanishimizga to‘siq”
mavzusida ma’ruza


BAYONNOMASI

26.11.2021 Toshkent shahar
Qatnashdilar: O‘zbekiston Respublikasi Korrupsiyaga qarshi kurashish agentligi, Toshkent shahar davlat soliq boshqarmasi va Toshkent shahar prokuraturasi mas’ul xodimlari, texnikum Yoshlar ittifoqi yetakchisi, o‘qituvchilar va o‘quvchi-yoshlari, hamda OAV vakillar ishtirok etishdi.

KUN TARTIBI
“Korrupsiya - rivojlanishimizga to‘siq” mavzusida ochiq eshiklar kuni tadbiri tashkil etildi.


ESHTILDI:
Toshkent soliq texnikumida, 9-dekabr – “Xalqaro korrupsiyaga qarshi kurash” kuniga bag‘ishlangan Antikorrupsion haftalik doirasida 2021 yil 26 noyabr kuni “Korrupsiya rivojlanishimizga to‘siq” mavzusida ochiq eshiklar kuni tadbiri tashkil etildi.
Mazkur tadbirda O‘zbekiston Respublikasi Korrupsiyaga qarshi kurashish agentligi, Toshkent shahar davlat soliq boshqarmasi va Toshkent shahar prokuraturasi mas’ul xodimlari, texnikum Yoshlar ittifoqi yetakchisi, o‘qituvchilar va o‘quvchi-yoshlari, hamda OAV vakillar ishtirok etishdi.



“Korrupsiyaga qarshi kurashish O‘zbekistonda davlat siyosatining eng ustuvor yo‘nalishlaridan biridir. Tadbirda korrupsiya davlat va jamiyat farovonligi uchun eng jiddiy xavf-xatarlardan biri ekani qayd etilib, ushbu ijtimoiy illat keltirib chiqaradigan oqibatlar aniq misollar orqali tahlil qilindi. Shu bilan birgalikda, korrupsiyaviy holatlarning har qanday ko‘rinishlariga nisbatan murosasiz munosabatda bo‘lish va unga qarshi kurashish eng ustuvor vazifa etib belgilanganligi qayd etildi. Shuningdek, korrupsiya holatlarini barvaqt aniqlash va oldini olish, ularning sabab va shart-sharoitlarini bartaraf etish, manfaatlar to‘qnashuviga yo‘l qo‘ymaslik hamda korrupsiyaga nisbatan murosasiz munosabatni shakllantirish har bir O‘zbekiston fuqarosining burchi ekanligi ta’kidlandi. Xususan, davlat organlari va tashkilotlarining faoliyatida ochiqlik, oshkoralik, shaffoflikni ta’minlash orqali davlat boshqaruvida samarali va ta’sirchan jamoatchilik nazoratini amalga oshirish uchun zarur sharoitlar yaratilayotgani ahamiyatlidir.

Korrupsiyaga qarshi kurashish sohasidagi davlat siyosatining asosiy yo‘nalishlari — aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish yuzasidan o‘zaro fikrlar almashildi. E’tirof etilganidek, mamlakatimizda korrupsiyaga qarshi murosasiz kurashishning ilg‘or xalqaro standartlarga asoslangan tizimini joriy etish maqsadida milliy qonunchilik hujjatlari tobora takomillashtirilib bormoqda va bu korrupsiya holatlarining har qanday ko‘rinishlariga nisbatan murosasiz munosabatda bo‘lishga xizmat qilmoqda.

Muloqotda shu xususda so‘z yuritilar ekan, budjet mablag‘laridan foydalanish, davlat xaridlari, kapital qurilish, litsenziya va ruxsatnomalarni olish, bank kreditlarini ajratish, ishga qabul qilish kabi qator yo‘nalishlarda korrupsiya holatlarining oldini olish va huqubuzarlikni o‘z vaqtida aniqlash borasida olib borilayotgan chora-tadbirlar, ularning ijobiy natijalariga ham e’tibor qaratildi. 

Shuningdek, korrupsiyaga qarshi kurashish tizimini yanada takomillashtirishda dolzarblik kasb etayotgan vazifa va maqsadlar, istiqboldagi rejalar yuzasidan o‘zaro fikr almashildi.

Xulosa o‘rnida ta’kidlab o‘tish joizki, korrupsiyaga qarshi kurashish sohasida qabul qilingan har bir me'yoriy xujjat ertangi O‘zbekistonning hayotida korrupsiya degan illatning tamoman yo‘qolishiga qo‘yilayotgan katta qadamlardir” deya ta’kidlab o‘tildi.

Yoshlar ittifoqi boshlang‘ich F.Xasanova
Tashkilot yetakchisi: