Tasdiqlayman” O’quv ishlari bo’yicha

Iqtisodiy sohada barcha soha va tarmoqlarda erkinlashtirish jarayonini izchillik bilan amalga oshirish va olib borilayotgan islohotlarni yanada chuqurlashtirish, xo’jalik yurituvchi subyektlarning mustaqilligini yanada oshirish, tadbirkorlik faoliyatini rivojlantirish yo’lidagi mavjud to’siqlarni bartaraf etish o’zgarishlarning asosiy yo’nalishi edi.
Siyosiy sohada jamiyat hayotini demokratlashtirish jarayonini yanada chuqurlashtirish, uning izchilligi va samaradorligini oshirish - mamlakatimizda amalga oshirilayotgan bu boradagi islohotlarning eng asosiy yo’nalishi etib belgilangan edi.
Ijtimoiy sohada jamiyat hayotining barcha jabhalarida tub o’zgarishlar amalga oshirilayotgan, bozor munosabatlari ustuvor bo’lib borayotgan hozirgi sharoitda kuchli ijtimoiy siyosat yuritish asosiy tamoyillardan biri sifatida belgilandi.
Ma’naviy sohada ilm-fan yutuqlarini amaliy ishlar bilan boyitib borish, o’zligimizni chuqurroq anglash, milliy istiqlol mafkurasi tamoyillarini xalqimizning qalbi va ongiga singdirish, muqaddas dinimiz va tariximizni soxtalashtirishga, ulardan siyosiy maqsadlarda foydalanishga yo’l qo’ymaslik asosiy vazifalardir.
4-mavzu: “Yuksak ma’naviyat - yengilmas kuch”. Umuminsoniy qadriyatlar va milliy ma’naviyatimizning uyg’unligi. Ijtimoiy fanlar metodologiyasi va milliy ma’naviy meros
Reja:
1. O’zbekiston Respublikasining birinchi Prezidenti Islom Karimovning “Yuksak ma’naviyat - yengilmas kuch” kitobining mazmun va mohiyati.
2. Mustaqillik sharoitida milliy va diniy qadriyatlarning tiklanishi.
3. “Qadriyat”, “qadriyatlar”, “milliy qadriyatlar”, “umuminsoniy qadriyatlar” tushunchalarining falsafiy mohiyati.
4. Qadriyatlarning turlari. Umuminsoniy qadriyatlar va milliy ma’naviyat nisbati. Milliy ma’naviyatimizning umuminsoniy mohiyati.
5. Ijtimoiy fanlar metodologiyasi.
6. Ijtimoiy fanlarning tabiiy (tabiatga oid) va aniq (matematik) fanlar bilan o’zaro umumiy va farqli tomonlari bugungi kun ijtimoiy fanlar sohasidagi muammolar va ularni hal qilish yo’llari.