Tasdiqlayman” O’quv ishlari bo’yicha prorektor Xodjaniyozov. S. U

7. O’quv loyihaviy faoliyat. O’quv loyihasining uslubiy pasportining tuzilishi va ishlab chiqish yo’llari.Talabalarga tadqiqot-loyiha texnologiyasining mohiyati, ta’limiy ahamiyati, bosqichlari, vaqt me’yorlari, kutilayotgan natijalar haqida ma’lumot beriladi. Talabalarga tadqiqot maavzusining dolzarbligi, muammolilik jihatlari, masalaning ilmiy-amaliy hamda ijtimoiy ahamiyati batafsil tushuntiriladi.

1. 
   Tadqiqotlar muammoning murakkablik jihatlarini e’tiborga olgan holda qisqa muddatli (1 haftadan 1 oygacha) yoki uzoq muddatli ( 1 oydan bir necha oygacha) davom qilishi mumkin.
   
2. 
   Tadqiqot yo’nalishi talabalar tomonidan ixtiyoriy tanlanishiga e’tibor qaratiladi.
   
3. 
   Shakllangan jamoalarga tadqiqot topshirig’i umumiy yoki bir mavzuning turli masalalari asosida berilishi mumkin.
   
4. 
   O’qituvchi talabalarning mustaqil-tadqiqotchilik faoliyatining tizimliligini va mantiqiy izchilligini ta’minlash maqsadida ularning izlanishlarini yo’naltirib boradi.
   
5. 
   Talabalarga tadqiqot mavzusi bo’yicha axborot manbalari haqida batafsil ma’lumot beriladi. Asosiy va qo’shimcha adabiyotlar, ularning elektron kataloglari, internet veb-sahifalarining aniq manzillari ko’rsatiladi.
   
6. 
   Qo’shimcha manba sifatida mavzuga oid audio-, video- va televidenie materiallari, arxiv hujjatlari ham ko’rsatiladi, ular bilan ishlash xususida zarur yo’l-yo’riqlarni beriladi.
   
7. 
   O’qituvchi aniq belgilangan kunlarda talabalarning hisobotlarini eshitib, muayyan maslahatlarini beradi.
   
8. 
   Laboratoriya sharoitlarida eksperiment o’tkazish uchun sharoitlar yaratiladi.
   
9. 
   Eksperimental bazaning aniq, puxta va to’liqligi tekshiriladi.
   
10. 
    Eksperiment natijalari va ularni matematik qayta ishlash, qo’lga kiritilgan ma’lumotlarni umumlashtirish ishlari to’g’ri olib borilishiga e’tibor qaratiladi.
    
11. 
    Tadqiqotning borishi davomida talabalarning tayanch tashkilotlarning etakchi mutaxassislari, ekspertlar bilan uchrashuvlari tashkil qilinadi.
    
12. 
    Taqdimotga soha mutaxassislari, muammo yuzasidan ilmiy izlanishlar olib borgan olimlar ekspert sifatida taklif qilinadilar.
    
13. 
    Tadqiqot natijalari muhokamasi qizg’in bahs-munozara shaklida o’tkaziladi. O’qituvchi munozarani boshqarib, yo’naltirib boradi.
    
14. 
    Faoliyat yakunlari va bunda tadqiqot guruhlarining yutuqlari, kamchiliklari tahlil qilinadi, aniq dalillar keltiriladi, faol ishlagan talabalar rag’batlantiriladi.
    
15. 
    Faoliyat natijalari fotoalbom, ilmiy yoki publitsistik maqola, hisobot, doklad, loyiha shaklida tayyorlanadi. Tadqiqot jarayonida qo’lga kiritilgan natijalar nashr qilinib, oliygoh kutubxonasiga taqdim qilinishi yoki talabalarning veb portaliga joylashtirilishi mumkin.
    
16. 
    Tadqiqot yo’nalishi asosida loyihalar tayyorlanib, iqtidorli talabalar ko’rik-tanlovida qatnashishga tavsiya qilinishi ham mumkin.