Tasdiqlayman” O’quv ishlari bo’yicha prorektor Xodjaniyozov. S. U

3. Loyihaviy ta’limning mohiyatli belgilari va didaktik xususiyatlari.Tadqiqot-loyiha texnologiyasining maqsadi bo’lg’usi mutaxassis kadrga o’z faoliyatini ilmiy-ijodiy tashkil qilish, ishini aniq rejalashtirish, tizimli loyihalashtirish, faoliyat davomida yuzaga kelishi mumkin bo’lgan muammolarni oldindan ko’ra bilish va ularni bartaraf qilish yo’llarini mustaqil izlash, to’g’ri xulosalar chiqarish, mehnat samarasini ta’minlash kabi sifatlarni shakllantirishdan iborat. Yuqoridagi talablarni amalga oshirish uchun ta’lim jarayonida maxsus sharoitlar yaratiladi.
Tadqiqotlar fundamental va innovatsion yo’nalishlarda olib borilishi mumkin. Fundamental tadqiqotlarda talabalar o’rganilayotgan fan sohasi bo’yicha keng qamrovda ilmiy-tadqiqot ishlarini olib boradilar. Bunda ular auditoriya sharoitida o’rgangan bilimlari bilan cheklanib qolmaydilar. Talabalar tadqiqot ishlarini olib borishda qo’shimcha axborotga nisbatan zarurat sezadilar. Tadqiqotni ilmiy-amaliy asoslash maqsadida ular nazariy kontseptsiyalar, ilmiy yo’nalishlar mazmunini har tomonlama chuqur o’rganadilar, induktiv va deduktiv tahlillarni olib boradilar, maxsus yaratilgan sharoitlarda tajriba-sinov ishlarini amalga oshiradilar. Talabalar o’zlari to’plagan ma’lumotlarni qiyosiy o’rganadilar, statistik manbalar bilan ishlaydilar, xulosalarini umumlashtiradilar. Bu juda keng qamrovli ilmiy-tahliliy faoliyat bo’lib, talabalarga mantiqiy fikrlash va o’z bilimlarini amalda sinab ko’rish imkonini beradi.
Innovatsion tadqiqotlar mavjud ilmiy-nazariy bilimlarni ijodiy rivojlantirishni nazarda tutadi. Talabalarning muayyan g’oyalar asosida faoliyatni innovatsion tashkil qilish ko’nikma va malakalarini shakllantiradi. Talabalar ilmiy farazni shakllantiradilar, yangi g’oyalarni taklif qiladilar, ularni amalga tadbiq qilish yo’llarini ishlab chiqadilar, tajribalar o’tkazadilar.
4. Loyihaviy ta’limning protsessual tarkibi.
1-bosqich. Mashg’ulot oldi bosqichi.
O’qituvchi tomonidan o’rganilayotgan mavzu bilan bog’liq muammo yoki savol qo’yiladi. Muamoning ijtimoiy-iqtisodiy, ma’naviy-madaniy ahamiyatli jihatlari yoritib beriladi. Talabalar muammo yuzasidan tadqiqot ishlarini olib borishga yo’naltiriladi, ularda izlanuvchanlik faoliyatiga nisbatan kuchli motivatsiya shakllanadi.