Tasdiqlayman” O‘quv ishlari bo‘yicha prorektor “tasdiqlayman” O‘quv ishlari bo‘yicha prorektor

13.2. Tuman ta’siri sinovlari

Dengiz (sho‘r) tuman ta’siri sinovini o‘tkazishning maqsadi mahsulotning korrozion chidamliligini aniqlashdan iborat. Sinaladigan mahsulotlarni mahsus kameraga joylashtirishadi. Bu kamerada +27+-3 ^OS harorat belgilanadi va dengiz tumani effektini beruvchi ma’lum bir tarkibli sho‘r eritma sepiladi. Eritmani sepish butun sinov mobaynida har 45 daqiqada 15 daqiqadan (2.7 yoki 10 sutka) amalga oshiriladi. Sinov jarayonida sho‘rli eritmaning tomchilari mahsulotga tegmasligini ta’minlab berishadi. Sinov muddati tugagach mahsulotlarni kameradan olib chiqishadi va ko‘rib chiqishgach 6-12 soat mobaynida normal sharoitlarda ushlab turishadi va ishga yaroqliligini tekshirib ko‘rishadi.

Dengiz (sho‘r) tumani kamerasi 100% nisbiy namlikda +25 dan +60 ^OS gacha haroratni ta’minlab berish imkonini berish kerak. Bundan tashqari kamera sho‘rli eritmani va xavo haroratini sutka mobaynida davriy kiritib turish imkonini beruvchi avtomatik programmalashtiruvchi uskunaga ega bo‘lishi kerak.

Kamerada sepiladigan tuzlar eritmasi distilyasiya qilingan suvda quyidagi retsept bo‘yicha tayyorlashadi: xlorli natriy 27 g/l; xlorli magniy 6 g/l; xlorli kaliy 1 g/l; xlorli kalsiy 1 g/l. Eritmani sepishni purkagich yoki aerozol apparatining sentrifugasi bilan amalga oshirishadi. Kamerada olinadigan tumanning asosiy ko‘rsatkichlari sifatida disperlik va suvlik xizmat qiladi. Odatiy tumanning suvligi 2-3 g/m³, disperligi esa – 1 dan 5 mkm gacha bo‘lgan 90% tomchini tashkil qiladi.