Tasdiqlayman” O‘quv ishlari bo‘yicha prorektor N. M. Babayeva

Mustaqil ish – o‘qituvchining topshirig‘i va rahbarligida o‘quv vazifasini hal etadigan ta’limning faol metodi. Mustaqil ish qo‘yilgan maqsad bilan bog‘liqlikda talabalarning aniq faoliyatini tashkil etish va amalga oshirishdir. Talabaning mustaqil ishlari uning yuqori darajadagi faollik, ijodiylik, mustaqil tahlil, tashabbuskorlikka hamda barcha vazifalarni o‘z vaqtida va mukammal tarzda bajarishga asoslangan faoliyatidir.
Talabalar mustaqil ishini tashkil etishda o‘qituvchining rahbarligi va nazorati ostida muayyan o‘quv ishlarini mustaqil bajarish uchun zarur bilim, ko‘nikma, malakalarni shakllantirish va rivojlantirish maqsadi ko‘zlanadi. Talabalar mustaqil ishini nazorat qilish o‘quv mashg‘ulotlarini olib boradigan o‘qituvchi tomonidan amalga oshiriladi
“Falsafa” fani insonning dunyoqarashini, uning ongini falsafa qoidalariga muvofiqlashtirib shakllantirish, jamiyat taraqqiyoti va rivojlanish qonuniyatlarini anglab olish, jamiyatda ro‘y berayotgan iqtisodiy, siyosiy, ijtimoiy va ma’naviy hodisalar, ularning kelib chiqishi, rivojlanish yo‘nalishlarini falsafiy anglash mazkur jarayonlarni atroflicha va chuqur mushohada etish bilan bir qatorda, insonning ularga qanday munosabatda bo‘lishini aniqlab olish imkoniyatini tug‘diradi
Ushbu fanning maqsadi – talabalarda olam va odam masalalari, insonning bu dunyodagi o‘rni, hayotning mazmuni,umrining mohiyati inson ongi, tafakkuri, bilimi qanday vujudga keladi, inson qanday maqsadlarni o‘z oldiga qo‘yadi va bu maqsadga erishishning yo‘llarini o‘zining qonun va kategoriyalari orqali o‘rgatadi. Falsafa o‘zining tamoyillari orqali yangi g‘oya va nazariyalar, ijtimoiy ideallar, ma’naviy qadriyatlar shakllanishiga yordam beradi. Shuningdek olamni borliqni ilmiy izohlash, anglashga qaratilgan xilma-xil falsafiy yo‘nalishlar va fikrlarni atroflicha va batafsil o‘rganib chiqish insonning ilmiy dunyoqarashini shakllantirishda katta ahamiyatga ega.
“Falsafa” fani bo‘yicha mustaqil ishlarni tashkil etish va bajarishning asosiy vazifasi quyidagilarni muvaffaqiyatli hal etishga xizmat qilishi lozim:  talabalarda o‘z-o‘zini rivojlantirish, mustaqil bilim olish va innovatsion faoliyatni shakllantirishga imkon beruvchi kompetensiyalarni egallash maqsadi bilan bog‘liqlikda mustaqil o‘quv faoliyatini amalga oshirish;  bilim, ko‘nikma va malakalarni mustaqil egallash, muammoni shakllantira olish va uni hal etishning maqbul yo‘larini izlab topishga qobiliyatli kreativ shaxsni tarbiyalash;  talabalarda o‘quv dasturini o‘zlashtirishga doir motivatsiyani hosil qilish;  ta’lim oluvchilarda bilim olishga doir mas’uliyatni oshirish;  talabalarda umummadaniy va kasbiy kompetensiyalarni rivojlantirishga imkon berish;  ta’lim oluvchilarda mustaqil bilim olish, o‘z-o‘zini boshqarish va o‘zo‘zini rivojlantirishga qobiliyatlilikni shakllantirish uchun sharoit yaratish.
“Falsafai” fani tanlov fan hisoblanib, 1-semestrlarda o‘qitiladi. “Falsafa” fani bo‘yicha mustaqil ishlarni tashkil etilishi va bajarilishi ham o‘quv rejada rejalashtirilgan boshqa fanlar bilan o‘zaro aloqadorlikda olib boriladi.
Mustaqil ta’lim mazmuni ma’ruza va seminar (amaliy) mashg‘ulotlari mavzulari asosida shakllantiriladi. Biroq mustaqil ta’lim ko‘proq ma’ruza va seminar mashg‘ulotlarida o‘rganilmagan masalalarni o‘z ichiga qamrab oladi. Mustaqil ta’lim asosida o‘qib-o‘rganilgan masalalar fan bo‘yicha oraliq va yakuniy nazorat ishlari savollarida o‘z aksini topadi.
Ko‘rsatmada talabalarning mustaqil ishlarni bajarish bo‘yicha tavsiyalar, mustaqil ishlarini tashkil etish maqsadi, olib borish tartibi, ajratilgan soat, mustaqil ish turlari, ularni bayon etish yo‘l, usullari, texnikasi va mazmunini yoritishda foydalaniladigan adabiyotlar ro‘yxati berilgan