Tasdiqlayman” O’quv ishlari bo’yicha prorektor G. J. Jarilkasinova

O’quv modulining maqsadi va vazifalari
Modulning maqsadi - Modul dasturini o’qitishdan maqsad – oziqovqat va ozuqa moddalari haqida nazariy bilimlar, ularni iste’moli, xazm bo’lishi, metabolizmi, transporti, utilizastiyasi va chiqarilishi, oziq-ovqat mahsulotlari almashinuv jarayonlari va quvvatini o’zlashtirilishi, insonning ovqat tanlovidagi sabablari va ushbu tanlovga ta’sir qiluvchi omillarni o’rganish.
Modulning vazifalari:
- ovqatlanish tizimini belgilovchi omillar majmuasini o’rganish;
- insonning ovqatni tanlash motivlarini va ushbu tanlovning organizmga ta’siri mexanizmini o’rganish;
- ozuqa moddalarining inson organizmiga ta’siri mexanizmini o’rganish; - ovqatning organizmga so’rilishi, qayta ishlanishi, foydalanilishi va chiqarib yuborilishining yo’llarini o’rganish;
- sog’lom ovqatlanish mexanizmlarini o’rganish;
- insonning rastional ovqatlanishi strategiyasini asoslash;
- alimentar-bog’liq kasalliklarning profilaktikasi va ularni davolash qonunlarining mexanizmlarini o’rganish.
Modul bo’yicha talabalarning bilim, ko’nikma va malakalariga qo’yiladigan talablar:
Talaba:
- sog’liqni saqlash sohasida Davlat siyosati va uning amalga oshirilishida barcha boshqaruv organlarining mas’uliyati haqida;
- sog’liqni saqlash tizimi va ularda olib borilayotgan islohotlar haqida;
- ovqatlanish bilan bog’liq kasalliklarning oldini olish va tarqalishi darajasini kamaytirishda yangi texnologiyalar haqida;
- ovqatlanish bilan bog’liq kasalliklarning epidemiologik ma’lumotlari, etiologik va xavf omillarining ta’siri, patogenezining zamonaviy nazariyalari, tasniflari, birlamchi va ikkilamchi profilaktikasi,
- noto’g’ri ovqatlanish bilan bog’liq kasalliklarning oldini olish va tarqalishi darajasini kamaytirish, keng ko’lamda tushuntirish ishlarini tashkil qilish va aholining sog’lom turmush tarzi garovi sifatida to’g’ri ovqatlanish targ’iboti to’g’risida;
- ovqatlanish bilan bog’liq kasalliklarning epidemiologiyasi, etiologik va tahdid omillari, patogenezining zamonaviy teoriyasi, tasnifi, birlamchi va ikkilamchi profilaktikasini o’tkazishni bilishi va ulardan foydalana olishi;
- kundalik rastion asosida individual ovqat piramidasini tuzish;
- tana vazni indeksini aniqlash va baholash;
- oqsil, yog’ va uglevodlarni me’yoriy nisbatini hisobga olgan holda, ularga bo’lgan ehtiyojni aniqlash;
– aholi orasida keng tarqalgan nutrientlar tanqisligi bilan bog’liq kasalliklarni oldini olish bo’yicha profilaktik chora-tadbirlarni ishlab chiqish kabi malakalariga (shu jumladan gigienik amaliy ko’nikmalariga) ega bo’lishi kerak.