Tasdiqlayman” Iktisodiyot va boshqaruv fakultyeti dekani, dotsent F. B. Axrorov 2014 y Zootexniya, hayvonlar genyetikasi va urchitish kafedrasi 5610100 – «Fermer xo‘jaligini boshqarish va yuritish»

3.2. Yosh qoramollarni go‘sht uchun o‘stirish texnologiyasi
Samarqand viloyati Tayloq tumani fermer xo‘jaliklari tez o‘zgaruvchan iqlim sharoitida joylashganligi ya’ni issiq yozi, bahorining namgarchiligi va sovuq qishi bilan farq qiladi.

Ob - havoni kuzatish markazi (meteorologiya) ma’lumotlariga ko‘ra, havo harorati yoz fasllarida +43 0C, qish faslida esa -27 0C gacha yetadi. Fermer xo‘jaligida go‘sht mahsuloti ishlab chiqarish yil bo‘yi davom yetib, bunga so‘qimlash uchun rejalashtirilgan yangi tug‘ilgan buzoqlarni go‘shtga topshirishgacha bo‘lgan vaqt kiradi.

Shuni ta’kidlash lozimki, qoramollarni bo’rdoqilash texnologiyasida, yakuniy so‘qimlash davri muhim o‘rin tutadi. Bu jarayon hayvonlarni mahsuldorlik yo‘nalishi, zoti, jinsi va asrash hamda oziqlantirish sharoitiga bog‘liq holda 15-18, 15-19, 18-21, 21-24 oylikgacha bo‘lgan davrini tashkil yetdi.

Hozirgi vaqtda Respublikamiz jumladan Tayloq tumani fermer xo‘jaliklarida ham go‘sht ishlab chiqarish uchun har tomonlama maqbul bo‘lgan texnologiyadan foydalanish dolzarb muammolardan biri bo‘lib hisoblanadi.

Biz Tayloq tumani qoramolchilikka ixtisoslashgan fermer xo‘jaliklarini tahlil qilganimizda, yakuniy so‘qimlash texnologik jarayoni ochiq maydonlarda (yilning fasliga qarab) va binolarda bog‘lanmasdan tashkil qilinganligini kuzatdik.

Ilmiy adabiyot ma’lumotlaridan shu narsa ma’lumki, yakuniy so‘qimlash davrida hayvonlarni bog‘lab bo‘rdoqilash nafaqat zootexnikaviy balki iqtisodiy jihatdan ham samarali bo‘ladi. (A.Kaharov 1994, U.Nosirov 2009).

SHuning uchun ham biz, bitiruv malakaviy ishimizda ushbu texnologik omillarni Tayloq tumani qoramolchilikka ixtisoslashgan “Chorvador Uroqov” fermer xo‘jaligi sharoitida o‘rgandik.

“Chorvador Uroqov” fermer xo‘jaligi chorvachilik va dehqonchilikka ixtisoslashgan bo‘lib, bu yerda chorvachilik asosiy tarmoq bo‘lib hisoblanadi. Chorvador Uroqov fermer xo‘jaligi 1993-yil mustaqillikning ilk yillarida tashkil yetilgan bo‘lib, hozirda ilg‘or fermer xo‘jaliklaridan biri bo‘lib xalqimizga xizmat ko‘rsatib kelmoqda.