Tasdiqlayman” Hududiy markaz direktori Y. Saidov

AMALIY MASHG’ULOTLARNI TASHKILETISH BO‘YICHA KO‘RSATMA VA TAVSIYALAR

Amaliy mashg’ulotlarda tinglovchilar o‘quv bloklari doirasidagi ijodiy topshiriqlar, keyslar, o‘quv loyihalari, muammoli vaziyatlar bilan bog’liq masalalarni yechish kabi topshiriqlarni bajaradilar.

Amaliy mashg’ulotlar interfaol metodlardan foydalangan holda seminar-trening shaklida o‘tkaziladi. Bundan tashqari, mustaqil holda o‘quv va ilmiy adabiyotlardan hamda elektron resurslardan foydalanish tavsiya etiladi.

KO‘CHMA MASHG’ULOTLAR

Ko‘chma mashg’ulotlar mutaxassislik modullari doirasida fan va texnika yutuqlari, ilg’or tajribalarni o‘rganish maqsadida o‘tkaziladi.

Mashg’ulotlar talablar darajasida moddiy-texnika ta’minoti, mazkur malaka toifasi bo‘yicha tajribali professor, o‘qituvchi va mutaxassislari mavjud bo‘lgan oliy ta’lim muassasalarining mutaxassislik kafedralari, umumiy o‘rta ta’lim maktablari va ijtimoiy soha tashkilotlarida tashkil etiladi.
MUSTAQIL TA’LIMNI TASHKIL ETISHNING SHAKLI VA MAZMUNI

Mustaqil ta’lim tegishli o‘quv bloklari bo‘yicha ishlab chiqilgan topshiriqlar asosida tashkil etiladi va uning natijasida tinglovchilar malaka ishini tayyorlaydi. Malaka ishi mavzusi doirasida har bir tinglovchi malakaviy ish va uning taqdimotini tayyorlaydi.

Malaka ishini tayyorlashda quyidagilarga alohida e’tibor berish lozim:

• 
  tavsiya qilingan adabiyotlarni o‘rganish va tahlil etish;
  
• 
  ta’lim-tarbiya jarayonini tashkil etish va boshqarishning dolzarb muammolari, asosiy yo‘nalishlari va vazifalarini yoritish;
  
• 
  ta’lim-tarbiya jarayonini tashkil etish va boshqarishda innovatsiyalardan hamda ilg’or xorijiy tajribalardan foydalanish.