“tasdiqlayman ” Bulung’ur tuman 2-son kasb-hunar maktabi direktori N. Mamadiyarova

4-Mavzu: Manikyurning turli ko’rinishlari. 
 
 
 
Reja: 
1.Manikyurning ko’rinishlari. 
2.Teri milklarini kesib bajariladigan manikyur.
3.Teri milklarini kesmasan bajariladigan manikyur.
Manikur ustalar mijozga turli xildagi tasvirlarni tavsiya etishlari mumkin: 
Buning uchun gul, yulduzcha yoki barcha shakldagi maxsus narsalar tirnoq 
ustiga yopishtirilib, so‘ngra ustidan lak surtiladi. Lak qurigach rasmchalarni 
tirnoqdan ko‘chirib olib ustidan rangsiz lak surtilib keyin maxsus suyuqlik bilan 
qotiriladi, natijada tirnoq ustida ajoyib tasvirlar paydo bo‘ladi. 
Fransuzcha manikur qilish uchun tirnoqni to‘rtburchakroq shaklda kesib 
chetlari ozgina egovlab olinadi va ularni bo‘yashda bir necha rangdagi laklar ustma-
ust suriladi. Uning o‘ziga xosligi shundaki, tirnoqning qirrasi va ostki tarafi oq rang 
bilan yoki maxsus oq qalam bilan bo‘yab qo‘yiladi. Agar bu usul yaxshilab bajarilsa, 
tirnoq betakror bo‘ladi. Uni bajarish usullari. Birinchi usul: 
Buning uchun oq, sariq lak kerak bo‘ladi. Avvalambor, tirnoqqa kerakli shakl 
beriladi. So‘ngra tirnoqning qirralariga ehtiyotkorlik bilan mo‘yqalamda oq lak surtib 
chiqiladi. Oq lakni tirnoqning qirrasiga surtayotganda, tirnoqning yuza qis- miga 
ketmasligi uchun eni 4 mm, uzunligi 2 sm bo‘lgan matoni kesib olib, ozroq ho‘llab, 
tirnoqning ustiga yopishtirib qo‘yiladi. Mato tirnoqdan 5 mm uzun oq bo‘lishi kerak.
Tirnoqqa rang tanlashda ham ba’zi narsalarni hisobga olish lozim. U mijozning 
kiyimi yoki lab bo‘yog‘iga mos kelishi kerak. Tantanali kechalarda esa tirnoqni 
xohlagan rangga bo‘yasa bo‘ladi. Kumushrang, tillarang, qora, qizil va hokazo. 
Manikur qilishda tirnoqqa yopishtirib qo‘yiladigan turli shakllaridan foydalanish yoki 
mo‘yqalam bilan har xil gullarning rasmini chizib qo‘ysa ham bo‘ladi. 

---

Har kuni foydalanish uchun rangsiz, sarg‘ish yoki och qizil rangli laklar to‘g‘ri 
keladi. Ustalar mijozga turli xil zamonaviy shakl va ranglarni tavsiya etishlari 
mumkin. 
Agar mijozning tirnog‘i to‘rtburchak shaklida bo‘lsa, uni aylantirib kesib, 
chetlarini egovlab, o‘rtasiga rangli lak surtib, ikki chekka qismiga oq lak surtib, so‘ng 
lak qotiradigan suyuqlikni surtsa bo‘ladi. 
Uchli bo‘lib qolgan tirnoqlarni oval shaklida egovlab, o‘r- tasiga lak surtib 
qo‘yish ham mumkin. 
Cho‘zinchoq, bodomga o‘xshab ketadigan tirnoqlarning o‘zi yaxshi ko‘rinadi. 
Unga o‘zgartirish kiritmasdan lak surtib qo‘ysa ham bo‘laveradi. 
To‘rtburchak tirnoqlar uzun yoki kalta bo‘lishi ham mumkin. Ularni tekis qilib 
kesib, chetlarini egovlamasdan, tirnoqning butun yuzasiga, yoki faqat o‘rta qismiga 
lak surtsa ham bo‘ladi. 
Agar mijozning tirnog‘i dumaloq shaklida bo‘lsa, uning faqat o‘rtasiga lak 
surtib qo‘yish kerak. 
Surtilgan lak tirnoqning ko‘rishini to‘g‘rilab yuborish mum- kinligini 
unutmaslik zarur. Agar tirnoqning boshidan oxirigacha lak surtilsa, u juda uzun 
bo‘lib ko‘rinadi. Tirnoqning oysimon joyidan ozroq qoldirib bo‘yalsa, tirnoq kaltaroq 
ko‘rinadi.