Tasdiqlangan fan dasturiga muvofiq ishlab chiqildi

Trening
 
- inglizcha 
“maxsus rejim, trenirovka”
degan ma’noni bildiradi. Kishilarda muloqot malakalari
tasodifan yoki ta’lim mahsuli sifatida shakllanib boradi. 
Trening insonlarda mavjud bo‘lgan xulq-atvori va 
faoliyatini boshqaruv modelini qayta dasturlash 
vositasidir. 
Trening shuningdek tashkilotni rejalashtirilgan faolligini oshirish uchun, 
kasbiy bilimlarini oshiruvchi, ko‘nikmalarini yaxshilashga yo‘naltirilgan, yoki 
tashkilotning maqsadli faoliyati talablariga mos keluvchi attityudlar modifikatsiyasi 
va jamoatning ijtimoiy xulq-atvorini tuzatish uchun zarurdir. 
Trening usulining ijtimoiy-psixologik mohiyati shundaki, bu usul orqali 
odamlarda muloqot malakalari hosil qilinib, ular turli ijtimoiy sharoitlarda o`zini 
to`g`ri tutishga odatlantiriladi.
Boshqacha qilib aytganda, trening muloqotga o`rgatishdir. To`g`ri, odam 
kishilar jamiyatida yashar ekan, kundalik muloqot jarayonida turli muloqot 
shakllariga o`rganib, o`zida ma’lum muloqot malakalarini shakllantirib boradi. Lekin 
insonda bunday malakalar stixiyali tarzda yoki maqsadga qaratilgan holda ham hosil 
qilinishi mumkin. Oxirgi holat hozirgi zamon kishisining turli ishlab chiqarish va 
muomala sharoitlarida to`g`ri moslashishiga yordam beradi. Bu narsa insonda, 
ijtimoiy aql-zakovatning shakllanishiga olib keladi.
Treningning asosiy maqsadi:
shaxsni psixologik (ruhiy) ozod qilish, bunda 
tabiiy erkinlikni his etishni, o‘z guruhida va undan tashqarida o‘zaro munosabat va 
aloqa o‘rnata olishdan iborat. Trening - shaxsda mavjud bo‘lgan yoki vujudga 
keladigan muammolarni hal qilish uchun zarur bo‘lgan bilim, ko‘nikma malakalarni 
hosil qilish maqsadida bahs-munozara, o‘yin va mashqlar orqali o‘tkaziladigan 
mashg‘ulotlar yig‘indisidir. 
Ma’lum bir muammolarni xal qilishda psixologik trening deb ataluvchi o`yin 
va mashqlar to`plamidan iborat mashg`ulotlar yordam beradi. Shuni alohida qayd 
etish lozimki, trening jarayonida muammolarni yechish ham, bu boradagi bilim, 
ko`nikma va malakalarni hosil qilish ham trenerdan shaxs psixologiyasi, shaxsning 
individual psixologiyasi bilan ishlashni taqozo yetadi.
Shuning uchun psixologiyada bunday treninglar