Tasdiqlangan fan dasturiga muvofiq ishlab chiqildi

 
 
 
Taqrizchilar:
 
 
D.Tojiboeva 
− TMI, “Kasbiy ta’lim” kafedrasi dotsenti, iqtisod fanlari 
nomzodi, dotsent.
 
N. Lutfullaeva 
− TDIU, “Kasb ta’limi” kafedrasi dotsenti, psixologiya fanlari 
nomzodi 
(turdosh OTM)
; 
 
 
 
 
 
 
 
 
 
 
 
 
 
 
Fan dasturi Toshkent moliya instituti Kengashida koʻrib chiqilgan va tavsiya 
qilingan (201__ yil “___” ______________ dagi “___” -sonli bayonnoma). 

---

446 
I. Oʻquv fanining dolzarbligi va oliy kasbiy ta’limdagi oʻrni 
Oʻzbekiston Respublikasining “Kadrlar tayyorlash milliy dasturi”ni amalga oshirish 
maqsadida tarbiyachi-pedagoglarning ijtimoiy hayotdagi roli va obroʻsini koʻtarish, 
ularning kasbiy tayyorgarligini tubdan yaxshilash kasb-hunar kollejlarini isloh qilishning 
bosh yoʻnalishlaridan biridir. Ushbu dastur psixik taraqqiyot qonuniyatlari, psixologiya 
taraqqiyotining asosiy bosqichlari, fanning tarmoqlari, sharq mutafakkirlarining 
psixologik qarashlari, fanning boshqa fanlar bilan aloqasi, fanning tamoyillari va 
metodlari, vazifalari, shaxs haqida tushuncha, faoliyatning psixologik tahlili, muloqot, 
psixik jarayonlar, shaxsning individual-psixologik xususiyatlari haqidagi masalalarni
qamraydi. Dasturda barcha psixologik kategoriyalar, muammolar yangi metodologik 
yondashuv asosida talqin qilingan. 
 
II
. 
Oʻquv fanining maqsadi va vazifasi 
“Kasb ta’limi” yoʻnalishida ta’lim olayotgan bakalavrlarga oʻqitilayotgan “Kasbiy 
psixologiya” kursining asosiy maqsadi – boʻlgʻusi iqtisodchi–pedagog kasb egalari 
sifatida tanlagan mutaxassisliklariga boʻlgan jamiyatning ma’naviy ehtiyojlari, turli 
kasblardagi professional mehnatning mazmuni, kasbning insonga qoʻyadigan psixologik 
talablari (professiogramma), kasbga nisbatan shaxsdagi psixologik imkoniyatlar 
(psixogramma), mehnat sharoitlari, shaxsning qiziqish va ehtiyojlariga tanlangan 
kasbning mosligi, kasbni egallashi mumkin boʻlgan oʻquv muassasasida boʻlgʻusi kasb 
egasi shaxsiga qoʻyiladigan talablar, kasb etikasi, odobi, malakasi, professional 
yoʻnalganlikning psixologik tabiati, turli kasbiy ixtisosliklarning xarakteri va oʻziga 
xosliklari toʻgʻrisidagi bilimlarning psixologik asoslarini yetkazishdir.
“Kasbiy psixologiya” kursi oʻzining vazifasi sifatida quyidagilarni oʻz oldiga 
qoʻyadi: a) bakalavrlarga oʻzlari tanlagan kasbning psixologik mohiyati hamda milliy 
istiqlol gʻoyalari asosida jamiyat oldidagi ahamiyatini toʻla anglatish; b) tanlangan 
kasbning professional yoʻnalish sifatidagi jamiyatda tutgan nufuzi va ahamiyatiga xolis 
baho berishga oʻrgatish; v) har bir talabaning tanlangan kasb toʻgʻrisidagi tasavvurlarini 
kengaytirish, boyitish, bunda psixologiya arsenalidagi ishonchli metodikalar va 
testlardan foydalanishga oʻrganish; g) kasb etikasi, odobi, professional axloq 
tushunchalari doirasida tanlangan kasbning murakkab qirralarini jamiyatda barqaror 
boʻlgan qadriyatlar va ma’naviy mezonlar nuqtai nazaridan tahlil qilish; kasbga sadoqat 
tamoyillarini belgilash; d) boʻlgʻusi iqtisodchi pedagoglarda professional yoʻnalishni 
shakllantirishning psixologik hamda pedagogik texnologiyalardan boxabar qilish, 
professional motivatsiya, professional maorif va konsultatsiya asoslari bilan tanishish; e) 
shaxsning indvidual psixologik xususiyatlaridan kelib chiqib, oʻzini oʻzi kasbiy anglash, 
kasbiy muloqotning sirlarini anglatish va shu kabilar. Kursni mutaxassislikka kirish bilan 
bogʻlagan holda zamonaviy psixologiya va kasb pedagogikasiga oid bilimlar bilan 
toʻldiriladi hamda amaliy jihatdan bakalavrlarda kasb haqidagi bilim, malaka va 
koʻnikmalarni takomillashtirishga xizmat qiladi. 
Fan boʻyicha talabalarning bilim, koʻnikma va malakalariga quyidagi talablar 
qoʻyiladi.