Tasdiqlandi

Fakultet dekani: _____________ Jo`rayev J.R

1. O‘quv fani o‘qitilishi bo‘yicha uslubiy ko‘rsatmalar.
“Mafkuraviy jarayonlarning tizimli tahlili” – “Milliy g‘oya, ma’naviyat asoslari va huquq” bakalavriat ta’lim yo‘nalishida o‘qitiladigan ixtisoslik fanlaridan biri bo‘lib, jamiyat hayotida, kishilik tarixida muhim rol o‘ynagan mafkuralarning xususiyatlarini, ahamiyatini tahlil qilish, ularning namoyon bo‘lish shakllariga ko‘ra turlarga ajratish, ularni tizimli asosda o‘rganish o‘ziga xos ahamiyat kasb etadi. Bu esa, kelajagimizni yaqqol tasavvur etish, jamiyatimizning g‘oyaviy-mafkuraviy poydevorini, targ‘ibot tizimini mustahkamlash, yot g‘oyalar tajovuziga qarshi tura olish, g‘oyaviy bo‘shliq bo‘lishiga yo‘l qo‘ymaslik, va nihoyat, yurtimizning yuksak taraqqiyotini ta’minlash uchun milliy g‘oyaning mazmun-mohiyatini chuqur o‘rganish imkonini beradi.

Fan bo‘yicha talabalarning bilim, ko‘nikma va malakalariga quyidagi talablar qo‘yiladi. Talaba:

- Mafkuraning jamiyat hayoti sohalari bilan bog‘liqligini, milliy mafkura to‘g‘risida, uning ahamiyati, jamiyat hayotidagi vazifalari, mafkuraviy jarayon nima ekanligi, uning vujudga kelishi, rivojlanish jarayonlari bilan bog‘liqligi, O‘zbekiston mustaqil demokratik taraqqiyotining milliy g‘oya konsepsiyasi bilan mushtarakligi haqida tasavvurga ega bo‘lishi;

• 
  Mafkuraning jamiyat hayoti sohalari bilan bog‘liqligini, mafkuraning turlari, shakllari, tarkibi, jamiyat hayotidagi vazifalari, mafkuraviy jarayon nima ekanligi, uning vujudga kelishi va jarayonlar bilan bog‘liqligini, uning xususiyatlari, rivojlanish mexanizmlari va vositalarini, milliy g‘oyaning O‘zbekiston xalqining ishonch e’tiqodi ekanligini, xalqni xalq, millatni millat qiluvchi ma’naviy kuchga ega ekanligini, O‘zbekistonda g‘oyaviy ta’lim-tarbiya va targ‘ibot-tashviqot institutsional tizimining rivojlanish xususiyatlarini bilishi, malaka hosil qilishi;
  
• 
  yoshlarning milliy g‘oyaga ishonch va e’tiqodi hamda faolligini oshirishda mafkuraning zarurligini anglab yetish, g‘oyaviy jarayonlarni ilmiy o‘rganish, o‘qitish va targ‘ib-tashviq qilish vositalarini qo‘llay olish, yot va zararli g‘oyalarni farqlash, fikrga qarshi fikr, g‘oyaga qarshi g‘oya, jaholatga qarshi ma’rifat bilan kurashish, yoshlarda turli tahdidlarga nisbatan ogohlik va dahldorlik tuyg‘ularini tarbiyalab borish, yoshlarni milliy g‘oyaning asosiy tushunchalariga ishonch ruhida tarbiyalay olish ko‘nikmasiga ega bo‘lishi lozim.