1-topshiriq. “Hamma kutgan o’qituvchi” mazusida suhbat uyushtirish, zamonaviy maktab taraqqiyotining asosiy xususiyatlarini tahlil qilish, o’qituvchi shaxsiga qo’yiladigan talabalarni va shart-sharoitlarni aniqlash.
2-topshiriq. Televidenie orqali ilg’or pedagoglar chiqishlari yozilgan videolavhalar bilan tanishish. Ko’rilgan lavhadagi faktlarga asoslanib, zamonaviy o’qituvchiga qo’yiladigan talabalarni aniqlash.
3-topshiriq. Uy insholari asosida “Mukammal o’qituvchining muhim sifatlari”ni shaxsiy izohlash. Bu jarayonda talabalar tajribasi asosida o’qituvchilarga qo’yiladagan umumiy talabalar hayotiy aks ettiriladi. Bu ijtimoiy idealning shaxsiy ahamiyatini tasavvur etishga imkon beradi.
4-topshiriq. Talabalarning oldingi topshiriqlardan chiqarilgan xulosalari asosisda ideal o’qituvchi umumiy sifatlari tartibini tuzish. Bu sifatlarga tayanib, 5 balli baho mezoni asosida o’z-o’zini tahlil qilish (“5”-barqaror shakllangan sifat,”1”-umuman yo’q).
5-topshiriq. Pedagogik tasavvurlarni rivojlantiruvchi mashqlarni bajarish.
a) grafik-tasvir orqali ideal o’qituvchi yoki, umuman, o’qituvchilik kasbi ramzini ifodalang (mass., yosh bola va katta kishi qo’llarini bir-biriga cho’zib turishibdi...);
b) chizilgan grafik-tasvirlar vositasida o’zining ayni paytdagi pedagogik faoliyatga tayyorgarlik darajasini ifodalash.
Bunday mashqlar talabalarda mohiyatni anglash, pedagogik tasavvurlarni rivojlantirish, kasbiy muvofiqlikka baho berish imkonini yaratadi.
Fakultetdagi dars va mashg’ulotlarda o’qituvchilar tomonidan auditoriya diqqatini jalb etish, talabalarga ta’sir etish, ular bilan munosabatlarga kirishish, o’rnatish bo’yicha qo’llanilayotgan usullarni o’rganish, to’plash, yozib borish.
Topshiriq: Talabalar belgilangan vazifa asosida kundalik yuritadi
O’yinni tashkil etish texnikasi elementlarini egallash bo’yicha mashqlar
1-vaziyat. Dars boryapti. O’quvchilar charchadilar. Ularni jiddiy aqliy mehnatdan o’yinga o’tkazish kerak; motivasiya o’tkazish, saflantirish va h.k.z.; o’yin holatidan chiqish; qisqa tahlil; yana jiddiy aqliy ishga yo’llash.
2-vaziyat. Bir o’quvchidan boshqa hamma o’yinda ishtirok etyapti. Uni ham o’yinga qo’shish vositasini topish. (O’yin harakatli yoki idrokli bo’lishi mumkin).
1-mashq. Bolalarga ”Bir daqiqadi kim ko’p” o’yinini taklif etish: biror bir harfni chiroyli yozish; 1 dan boshlab sonlarni tartib bilan yozish; uzunligi 10 sm bo’lgan iplarni bir-biriga ulash (so’ng kimning ipi uzun ekanligini taqqoslash).
Do'stlaringiz bilan baham: |