Тасдиқлайман” Қувасой шаҳар ҳокими

«ТАСДИҚЛАЙМАН” Қувасой шаҳар ҳокими _____________Р.Раҳимжонов “____”____________ 2020 йил

ҚУВАСОЙ ШАҲАР ҲОКИМЛИГИ ҲУЗУРИДАГИ


“ТАЪМИРЛАШ-ТИКЛАШ ВА ЯГОНА ҲИСОБ-КИТОБ ХИЗМАТИ” УНИТАР КОРХОНАСИ


Н И З О М И


Қувасой-2020 йил

I. УМУМИЙ ҚОИДАЛАР

1.1. Қувасой шаҳар ҳокимлиги ҳузуридаги “Таъмирлаш-тиклаш ягона ҳисоб-китоб хизмати” унитар корхонаси (кейинги ўринларда “Корхона” деб аталади), Ўзбекистон Республикаси Президентининг 2017 йил 18 апрелдаги “Уй-жой коммунал хизмат кўрсатиш тизимини бошқаришни янада такомиллаштириш чора-тадбирлари тўғрисида”ги ПФ-5017-сон Фармони, “Ўзбекистон Республикаси Уй-жой коммунал хизмат кўрсатиш вазирлиги фаолиятини ташкил этиш тўғрисида”ги ПҚ-2900-сонли қарори ҳамда Ўзбекистон Республикаси Вазирлар Маҳкамасининг 2006 йил 16 октябрдаги 215-сонли қарорига мувофиқ ташкил қилинган.

1.2. УКнинг расмий тўлиқ ва қисқартирилган номи:
давлат тилида: Қувасой шаҳар ҳокимлиги ҳузуридаги “Таъмирлаш-тиклаш ва ягона ҳисоб-китоб хизмати” унитар корхонаси, қисқача номи “ТТЯХКХ” УК.
рус тилида: Унитарное предприятие “Таъмирлаш-тиклаш ва ягона ҳисоб-китоб хизмати” при Ҳокимияте города Кувасай, қисқача номи
УП «ТТЯХКХ».
1.3. Корхона муассиси: Қувасой шаҳар ҳокимлиги (кейинги ўринларда “муассис” деб юритилади).
1.4. Корхона юридик шахс ҳисобланади, алоҳида мол-мулкка, мустақил балансга, банк ҳисоб рақамларига, логотипига, штампларга ва бланкларга, Ўзбекистон Республикасининг Давлат герби тасвири туширилган, ўз номи давлат тилида ёзилган муҳрга ва бошқа реквизитларга эга.
1.5. Корхона жойлашган ери (почта манзили): Ўзбекистон Республикаси, Фарғона вилоят, Қувасой шаҳар, Мустақиллик кўчаси, 45уй.
1.6. Корхона қонун ҳужжатларида белгиланган тартибда ўз номидан мулкий ва шахсий номулкий ҳуқуқларни сотиб олиши ва амалга ошириши, мажбуриятлар олиши, судда даъвогар ва жавобгар бўлиши, низоларни ҳал этишда бошқа органларда вакиллик қилиши мумкин.
1.7. Корхона муассиснинг розилиги билан қонун ҳужжатларига мувофиқ юридик шахсларнинг қатнашишига йўл қўйиладиган тижорат ташкилотларида, шунингдек нотижорат ташкилотларда қатнашчи (аъзо) бўлиши мумкин.
Корхона ўз мажбуриятлари бўйича Ўзбекистон Республикасининг амалдаги қонунлари бўйича ундирилиши мумкин бўлган мулки билан жавоб беради.
Давлат, унинг идоралари ва ташкилотлари корхона мажбуриятлари бўйича жавоб бермайди, ўз навбатида корхона хам давлат, унинг идоралари ва ташкилотлари мажбуриятлари бўйича жавоб бермайди.
Корхона ўз таъсисчиларининг мажбуриятлари бўйича жавоб бермайди, унга мос равишда таъсисчилар хам корхона мажбуриятлари бўйича жавоб бер­майди. Корхонага бажарилиши мажбур бўлган кўрсатмалар берилган ҳоллар бундан мустасно.
1.8. Корхона бошқа давлат корхонасининг муассиси бўлиши мумкин эмас.