Тасдиқлайман” Тошкент давлат аграр университети

“ТАСДИҚЛАЙМАН” Тошкент давлат аграр университети Ўқув ишлари бўйича проректор ___________ С.Исламов “___” __________ 2022 йил

Ўзбекистон ёшлар иттифоқининг Тошкент давлат аграр университетидаги бошланғич ташкилоти фаолияти ўрганиш бўйича ўтказилган йиғилиш
БАЁНИ

Йиғилиш раиси	-	С.Исламов – Ўқув ишлари бўйича проректор
Йиғилиш котиби	-	Р.Содиқов – Ёшлар билаш ишлаш, маънавият ва маърифат бўлими услубчиси
Қатнашдилар	-	Ф.Якубов – Ёшлар билаш ишлаш, маънавият ва маърифат бўлими бошлиғи, Е.Бердибоев – Жисмоний ва юридик шахсларнинг мурожаатлари билан ишлаш, назорат ва мониторинг бўлими бошлиғи, А.Ботиров – Бош ҳисобчи, С.Исроилов – Университет ёшлар етакчиси, Ёшлар билаш ишлаш бўйича декан ўринбосарлари

КУН ТАРТИБИ:


Ўзбекистон ёшлар иттифоқининг Тошкент давлат аграр университетидаги бошланғич ташкилоти фаолияти ўрганиш натижаларини таҳлил қилиш
(Исламов, Якубов, Исроилов, Ботиров, Исламов)


Эшитилди: Ўқув ишлари бўйича проректор С.Исламов
Ўзбекистон Республикаси Президентининг 2022 йил 19 январдаги ПҚ-92-сонли қарори ҳамда Ўзбекистон Республикаси Олий ва ўрта махсус таълим вазирлигининг 2022 йил 24 январдаги 30-сонли буйруғи чора-тадбирлар дастури 8-банди ижросини таъминлаш, Ўзбекистон ёшлар иттифоқининг Тошкент давлат аграр университетидаги бошланғич ташкилотида фаолият кўрсатаётган Ёшлар етакчисини моддий қўллаб-қувватлаш ва уларнинг сифат таркибини қайта кўриб чиқиш мақсадида ўрганишга қаратилган индекаторлар ишлаб чиқилиб бу асосида ёшлар етакчисини моддий қўллаб-қувватлаш, иш стажи, тажрибаси, билим савияси, ёши, етакчилик қобиляти ва бошқа жиҳатлари ўрганилди.


Сўзга чиқди: Ёшлар билаш ишлаш, маънавият ва маърифат бўлими бошлиғи – Ф.Якубов
Университет ёшлар етакчиси фаолияти таҳлили билан қисқача таништирсам.
Исроилов Сардорбек Уктамжон ўғли – 06.04.1997 йилда Фарғона вилояти Олтиариқ туманида туғилган. 2020 йилда Тошкент давлат аграр университети Ипакчилик ва тутчилик факультети Умумий зоотехния мутахассислигини тамомлаган. 2021 йилдан Тошкент давлат аграр университетига Балиқчилик мутахассислиги бўйича магистратурага ўқишга кирди. Ҳозирда 2-босқич магистр-талабаси.
2017-2021 йилларда Ипакчилик ва тутчилик факультети ёшлар етакчиси;
2021 йил март ойидан бошлаб университет ёшлар етакчиси сифатида фаолият юритиб келади.
Ўзбекистон Республикаси Вазирлар Маҳкамасининг 2020 йил
31 январдаги 59-сонли Қарорига мувофиқ талабаларга тўланадиган стипендиянинг 5% миқдорида ойлик маош билан рағбатлантириш тизимини жорий этилган.
Бошланғич ташкилот ёшлар етакчиси университетнинг Илмий Кенгаши ва унивеситет Одоб-ахлоқ Комиссияси аъзоси. Университетда таҳсил олаётган талаба-ёшлар ўртасида ўтказилган сўровномаларда талабаларнинг Ёшлар етакчисининг таниш даражаси 67,7 % ни ташкил этган.
Бошланғич ташкилот ҳамда унинг ҳар бир факультетдаги Кенгашлари учун хоналар ажратилган, керакли жиҳозлар билан жиҳозланган.
Бошланғич ташкилот ҳамда унинг ҳар бир факультетдаги Кенгашлари учун ажратилган хоналар ёшлар қатнови учун қулай ерда (БТ хонаси бош бино Ёшлар билан ишлаш бўлими қошида, факультетлардаги Ёшлар Кенгашлари хоналари факультет деканатлари қошида) жойлашган.
Бошланғич ташкилот етакчисининг ташаббускорлиги билан “АGROVOLONTYOR” ва “Меҳирли қўллар” лойиҳалари ташкил этилган. Ушбу лойиҳа доирасида университет жойлашган ҳудуддаги маҳаллаларда истиқомат қиладиган якка-ёлғиз қариялар ва ва ногиронлиги бўлган, ижтимоий ҳимояга муҳтож оилалар уйларида турли ҳашарлари ташкил қилиш билан бир қаторда уларга қишлоқ хўжалигига оид тавсиялар бериш тизими йўлга қўйилган. “Меҳирли қўллар” акцияси доирасида БТ томонидан оғир касалликка чалинган 1 нафар талаба-қиз учун 14 млн. сўм миқдоридаги операция пуллари тўлаб берилди.
Юқоридаги фикр-мулоҳазалардан келиб чиқиб йиғилиш


ҚАРОР ҚИЛАДИ:

1. 
   Ёшлар етакчиси фаолиятини ўрганиш бўйича белгиланган индекатор ва таҳлил асосида олинган маълумотлари асосида моддий қўллаб қувватлаш бўйича тегишли таклифлар ўрганиб чиқилсин.
   
2. 
   Ёшлар етакчиси фаолиятини ўрганиш бўйича белгиланган индекатор ва фотолавҳалар илова қилинсин.
   
3. 
   Факультетлар кесимида етакчилар фаолияти ўрганилиб, рағбатлантириш чоралари кўрилсин.
   

Баёнлаштирди Р.Содиқов

Ўзбекистон ёшлар иттифоқининг Тошкент давлат аграр университетидаги бошланғич ташкилоти фаолияти ўрганиш бўйича йиғилиш баёнига ИЛОВА

ЎЗБЕКИСТОН ЁШЛАР ИТТИФОҚИНИНГ ТОШКЕНТ ДАВЛАТ АГРАР УНИВЕРСИТЕТИДАГИ БОШЛАНҒИЧ ТАШКИЛОТИ ВА ФАКУЛЬТЕТЛАРДАГИ ЁШЛАР КЕНГАШЛАРИ ХОНАЛАРИ ФОТОЛАВҲАЛАРИ