Тасдиқлайман” Саноат хавфсизлиги давлат қўмитаси Олмалиқ кти бошлиғи Ш. Т. Жураев “ “ 2021 й

Портлатувчиларни янги турдаги портлатиш ишларига ўтқазилганда қўйиладиган талаблар. (Портлатиш ишларида хавфсизликнинг ягона қоидалари 36-§).

Портлатувчилар янги турдаги портлатиш ишларига ўтказилганларида, Саноат хавфсизлиги давлат қўмитаси билан келишув бўйича корхона раҳбари томонидан тасдиқланган тегишли дастурга биноан қайта тайёргарликдан ўтишлари ва малака комиссиясига имтиҳон топширишлари керак. Мустақил равишда янги турдаги портлатиш ишларини бажаришга рухсат этилишидан олдин портлатувчи 10 кун давомида тажриба орттириши шарт.
Газ ёки чанг бўйича хавфли бўлган кўмир (сланец) шахталарига ўтказилганда, портлатувчилар Саноат хавфсизлиги давлат қўмитаси билан келишув бўйича корхона раҳбари томонидан тасдиқланган дастурга биноан қўшимча равишда қайта тайёргарликдан ўтишлари, малака комиссиясига имтиҳон топширишлари ва 15 кун давомида тажриба орттиришлари керак; ўта тоифали ёки қўқисдан кўмир, жинс ва газ отқини бўйича хавфли шахталарига ўтказилганда, 20 кун давомида тажриба орттиришлари керак.

43. 
    Портловчи моддаларни қуритиш, майдалаш, элаш, улар билан қобиқни тўлдириш ва уларни эритиш. (Портлатиш ишларида хавфсизликнинг ягона қоидалари 7-бўлим).
    

Портлатувчи моддаларни қуритиш, майдалаш, элаш, улар билан қобиқни тўлдириш ва уларни эритиш лойиҳа бўйича шу мақсадлар учун мўлжалланган ва ПМ омбори ҳудудида жойлашган иншоотларда ёки унинг хонасидан, шу жумладан ПМ тайёрланадиган бинодан ташқарида ёки айвонли очиқ майдонларда ўтказилади. Айтилган амалларни (операцияларни) бажариш билан бир пайтда ПМ тайёрлаш биносида кўпи билан 3 т ПМ бўлиши мумкин.
Очиқ ҳавода портлатувчи моддаларни қуритиш, майдалаш, элаш ва улар билан қобиқни тўлдириш, фақат қуруқ об-ҳавода, портлатувчи моддаларга қум ва чанг туширмасдан бажарилиши мумкин.
Намлиги 1,5 % гача бўлган аммиак селитраси асосидаги ПМ патронларини заводда қопланган қобиғида қуритиш мумкин. Намлиги 1,5 % дан ортиқ бўлганда уларни тўкиб қуритиш лозим. ПМ ни қуритишга мўлжалланган хонадаги ҳавонинг ҳарорати 50⁰ С дан ортиқ бўлмаслиги керак. Тутунли порохларни қуритиш кўпи билан 40⁰ С ҳароратда бажарилиши керак.
Портловчи моддаларни қуритишда, хонадаги улар жойланадиган стол ва токчалар иситувчи юзадан (печка, қувур, радиаторлардан) камида 1 м масофада туриши керак.
Портловчи моддаларни қуритиш учун ҳаво қуритгичларидан (шкафлар, камералардан) фойдаланишга рухсат этилади, бунда иссиқлик ташувчини (ҳавони) ҳарорати сенсибилизацияланган тротилга эга бўлган ПМ учун кўпи билан 60⁰ С, ва сенсибилизацияланган нитроэфирларга эга бўлган ПМ учун кўпи билан 30⁰ С бўлади. Калорифер ҳаво ҳайдагич билан изоляцияланаган хона ёки ёпиштириб қурилган иморатда сақланиши керак.
Таркибида гексоген ва нитроэфир бўлган ПМ ни майдалаш тақиқланади.
ПМ ни эритиш заводда қопланган қобиғида ер юзасидаги иситиладиган ПМ омборларини ҳаво ҳарорати кўпи билан 30⁰ С бўлган иситиладиган хонаси ёки ерости омборларида бажарилиши зарур

44.