Тасдиқлайман: Олмалиқ кмк аж цемент заводи бош муҳандиси Г. Г. Тегай

Савол 42: Ишлаб чиқаришда бахтсиз ҳодиса содир бўлганда бўлинма раҳбарининг мажбурияти? (Ишлаб чиқаришда содир бўлган бахтсиз ҳодисалар ва ходимларнинг бошқаши кастланишларни текшириш ва ҳисобга олиш тўғрисидаги Низом № 286 06.06.1997 йил).
Жавоб 42: Ишлаб чиқаришдаги ҳар бир бахтсиз ҳодиса ҳақида жабрланувчи ёки гувоҳ дарҳол бўлинма (цех) раҳбарига хабар бериши керак, у эса:

• 
  жабрланувчига зудлик билан биринчи ёрдам кўрсатиши ва уни тиббий-санитария қисмига ёки бошқа даволаш муассасасига етказишни ташкил этиши;
  
• 
  текшириш комиссияси иш бошланишига қадар иш жойидаги вазиятни ва жиҳозлар ҳолатини ҳодиса юз берган дақиқада қандай бўлса, шундайлигича (агар бу атрофдаги ходимлар ҳаёти, саломатлигига таҳлика солмаётган бўлса ва ҳалокатга олиб келмаса) сақлаб қолиши;
  
• 
  дарҳол ҳодиса тўғрисида иш берувчига ва касаба уюшмасига ёки корхона
  

ходимларининг бошқа вакиллик органига хабар қилишга мажбур. (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларни текшириш ва ҳисобга олиш тўғрисидаги Низом № 286 06.06.1997 йил).
Савол 43: Қандай шахслардан назоратчи тайинланади?(“Фойдаланувчиларнинг электр қурилмаларини ишлатишдаги хавфсизлик техникаси қоидалари”нинг III боб 2-§, 65-банди).
Жавоб 43: Электр хавфсизлиги бўйича III-гуруҳдан паст бўлмаган гуруҳга эга бўлган шахслардан
назоратчи тайинланади. (“Фойдаланувчиларнинг электр қурилмаларини ишлатишдаги хавфсизлик техникаси қоидалари”нинг III боб 2-§65-банди).
Савол 44: Меҳнат муҳофазаси бўйича йўриқномалар (портлаш ва ёнғиндан хавфли бўлмаган ишлаб чиқаришларда) қандай муддатда қайта кўриб чиқилиши лозим? (Металлургич соҳасидаги хавфсизликнинг умумий қоидаларининг 8-банди).
Жавоб 44: Меҳнат муҳофазаси бўйича йўриқномалар (портлаш ва ёнғиндан хавфли бўлмаган ишлаб чиқаришларда) 5 йилда бир марта қайта кўриб чиқилади. (Металлургия соҳасидаги хавфсизликнинг умумий қоидаларининг 8-банди).
Савол 45: Юқори хавфли ишларни бажариш учун наряд-ижозат қандай муддатга берилади? (“Юқори
хавфли ишларда наряд-ижозат қўллаш тўғрисидаги Низом”нинг 31-банди)
Жавоб 45: Наряд-ижозат бажарилиши лозим бўлган ишнинг ҳажмига қараб керак бўлган муддатга
берилади. Агар хавфсизлик шароитлари нарядда кўрсатилгандай ўзгармасдан қолса, бу ҳолда наряд- ижозат белгиланган муддат учун амал қилиш кучини йўқотмайди. (“Юқори хавфли ишларда наряд-ижозат қўллаш тўғрисидаги Низом”нинг 31-банди)