Тасдиқлайман” “келишилган”

ЕТАКЧИ МУТАХАССИС
(ахборот ва информацион технологиялар бўйича)


Хизмат вазифалари: Музейнинг асосий фаолияти бўйича информацион маълумотларни электрон шаклда тўплаш, уларни қайта ишлаш ва сақланишини таъминлайди.
Мустабид тузум даврида қатағон қурбони бўлган ватандошларимиз ҳаёти ва фаолияти, ўша пайтларда мамлакатимизда ҳукм сурган мураккаб ижтимоий-сиёсий жараёнлар, муайян тарихий воқеалар, қатағон қурбонлари бўлган аждодларимизнинг ҳар бири бўйича мультимедиа маҳсулотларини тайёрлайди.
Музейдаги ахборот технологиялари асбоб-ускуналари ва жиҳозларини мунтазам ишлаб туришини назорат қилади ва улардаги носозликларни ўз кучи билан созлаш чорасини кўради. Ўз кучи билан созлаш имконияти бўлмаган ҳолларда бу тўғрисида раҳабариятга маълумот беради.
Корхонанинг электрон ҳужжат алмашинуви, корпоратив тармоғи ва сет тизимларининг узлуксиз ишлаб туришини таъминлайди. Электрон почта орқали келган ҳужжатларни сет орқали электрон ҳолатда раҳбар топшириқномаси асосида тегишли ходимларга етиб боришини таъминланишини назорат қилади.
Музей экспозициясининг замонавий техника воситаларидаги намойиши бўйича изланишлар олиб боради. Бу борада таклифлар киритади ва техник жиҳозлар орқали намойиш этилиши режалаштирилган экспонатларни тегишли техникалар ахборот базасига киритади
Музей мавзусига оид фильмлар, ҳужжатлар, матиреалларни интернет тармоғи орқали вақти-вақти билан излаб туриш, топилган маълумотларни музей раҳбариятига тақдим этиш ишларини амалга ошириб боради.
Билиши лозим: дастурлаш усуллари ва маълумотни қайта ишлашда ҳисоблаш техникасидан мукаммал фойдаланишни. Маълумотни компьютерда қайта ишлаш технологиясини; маълумотни туркумлаш ва кодлаш усулларини; меҳнатни мухофаза қилиш, техника хавфсизлиги, ишлаб чиқариш санитарияси ва ёнғиндан сақлаш қоидаларини. Замонавий техник воситалардан (компьютер, принтер, сканер, факс ва бошқалар) фойдаланишни.
Малака билан боғлиқ талаблар: Олий ёки бакалавр маълумоти ёки соҳада 3 йилдан кам бўлмаган меҳнат стажи.