Тасдиқлайман: “Amin Mulla” хкнинг «26» Декабрь 2020 йилдаги № сонли буйруғига асосан

13. Товар-моддий захираларни ҳисобга олиш
Ҳисоб сиёсатининг ушбу бўлими бўйича Ўзбекистон Республикаси бухгалтерия ҳисоби Миллий стандартлари ва бошқа норматив ҳужжатларнинг тахминий рўйхати:
- БҲМС № 4 «Товар-моддий захиралар», ЎзР АВ 17.07.06й №1595)
- БҲМС № 19 «Инвентаризацияни ташкил этиш ва ўтказиш», ЎзР АВ 02.11.99й №833;
- БҲМС №21 «Бухгалтерия ҳисоби счетлар режаси ва уни қўллаш бўйича йўриқнома», ЎзР АВ 23.10.02й №1181
- «Инвентаризация жараёнида аниқланган мол-мулк камомади ва ортиқчасининг бухгалтерия ҳисоби тартиби тўғрисида Низом», ЎзР АВ 06.04.04й №1334;
- «Товар моддий бойликларини олишга ишончномалар бериш ва уларни ишончномалар бўйича бериш тартиби тўғрисида Низом», ЎзР АВ 27.05.03й №1245;
- ЎзР ВМ томонидан 05. 02. 1999 г. Н 54 тасдиқланган «Маҳсулот (ишлар, хизматлар) ни ишлаб чиқариш ва сотиш харажатларининг таркиби ҳамда молиявий натижаларни шакллантириш тартиби тўғрисида» ги Ўзбекистон Республикасининг Низоми

1. БҲМС № 4 га кўра «Товар-моддий захиралар» - кейинчалик сотиш мақсадида нормал фаолият юритиш жараёнида тутиб туриладиган ва ишлаб чиқариш жараёнида мавжуд бўлган, шунингдек маҳсулот ишлаб чиқариш, ишларни бажариш ёки хизматлар кўрсатиш жараёнида ёхуд маъмурий ва ижтимоий-маданий вазифаларни амалга ошириш учун фойдаланиладиган моддий активлар.

Товар-моддий захиралар қуйидагилар кўринишидаги активлар сифатида бўлиши мумкин:
а) хом ашё ва материаллар, харид қилинган ярим тайёр маҳсулотлар ва бутловчи буюмлар, ёқилғи, тара ва тарабоп материаллар, эҳтиёт қисмлар, инвентарь ва хўжалик жиҳозлари ҳамда маҳсулот ишлаб чиқариш, ишларни бажариш, хизматлар кўрсатиш, ишлаб чиқаришга хизмат кўрсатиш, маъмурий эҳтиёжлар ва бошқа мақсадлар учун мўлжалланган бошқа материаллар захиралари;
б) боқувдаги ва яйловдаги ёш ҳайвонлар ва б.;
в) тугалланмаган ишлаб чиқариш;
г) тайёр маҳсулот;
д) одатий фаолияти давомида сотиш учун мўлжалланган товарлар.
2. Товар-моддий захираларни ҳисобга олиш тизимлари.
Товар-моддий захиралар товар-моддий захираларни ҳисобга олишнинг баланс счётларида акс эттирилади, ҳисоб-китоблар номенклатура рақамлари бўйича миқдорий ва сумма усул билан амалга оширилади ва доимий ҳисоб-китоб тизими асосида ташкил этилади (уларни амалга ошириш вақтида ТМҚ қабул қилиш ва ҳаракат қилиш амалиётларида акс эттирилади).
Сотилган товар-моддий захираларнинг қиймати сотилган маҳсулот (товарлар, ишлар, хизматлар) қийматини ҳисобга олган ҳолда ҳисоб-китобларда амалга оширилганда акс эттирилади.