«тасдиқлайман» Алишер Навоий номидаги Тошкент давлат ўзбек тили ва адабиёти университети ректори Ш. Сирожиддинов

АЛИШЕР НАВОИЙ НОМИДАГИ ТОШКЕНТ ДАВЛАТ ЎЗБЕК ТИЛИ ВА АДАБИЁТИ УНИВЕРСИТЕТИ

«ТАСДИҚЛАЙМАН» Алишер Навоий номидаги Тошкент давлат ўзбек тили ва адабиёти университети ректори Ш. Сирожиддинов ___________________ «___» ___________ 2018 йил

10.00.11 – “Тил назарияси. Амалий ва компьютер лингвистикаси”
ихтисослиги бўйича таянч докторантура (PhD)га кириш имтиҳони
ДАСТУРИ


ТОШКЕНТ-2018
Ушбу дастур Алишер Навоий номидаги Тошкент давлат ўзбек тили ва адабиёти университети Кенгашида кўриб чиқилди ва тасдиқланди. (2018 йил “27” сентябрдаги 2- сонли баённома).


Тузувчи: ф.ф.д., профессор. С.Муҳамедова


КИРИШ

Ўзбекистон Республикаси Президентининг 2016 йил 13 майдаги “Алишер Навоий номидаги Тошкент давлат ўзбек тили ва адабиёти университетини ташкил этиш тўғрисида”ги Фармонида филологик таълим ва филологик илмий-тадқиқотларга алоҳида муҳим талаблар қўйилган. Ҳар томонлама талабларга жавоб берадиган мутахассис-кадрларни тайёрлаш жараёни анъанавий илмий меросни ўрганиш, фан-техника ютуқлари, технологик тараққиёт асосларини чуқур ўзлаштириш, илмий тадқиқотларнинг ижтимоий, иқтисодий қийматини белгилаш, назария ва амалиёт уйғунлигига эришишни таъминлашни тақозо этади.

10.00.11 – Тил назарияси. Амалий ва компьютер лингвистикаси ихтисослиги бўйича Таянч докторантура (PhD)га кириш учун тузилган имтиҳон дастури тил назарияси, тилшуносликка кириш, умумий тилшунослик, амалий тилшунослик ва компьютер лингвистикаси масалаларини қамраб олади. Дастур илмий даражага талабгорнинг юқори билим ва малакага эга мутахассис бўлиши учун зарур ҳамда муҳим манбалар асосида тузилди.
Тилшуносликнинг бошқа фанлар билан мутаносиблиги асосида психолингвистика, социолингвистика, этнолингвистика, лингвокультурология, прагматик тилшунослик, когнитив тилшунослик, компьютер лингвистикаси, нейролингвистика каби янги йўналишлари шаклланди. Тилшуносликда антропоцентрик парадигма алоҳида аҳамият касб этиб бормоқда.
ХХ асрнинг 60-йилларида фан сифатида шаклланган компьютер лингвистикаси тилшуносликнинг глобаллашув жараёни талаби асосида юзага келган йўналишдир. Ўзбек тилшунослигида янги соҳа тарзида шаклланган компьютер лингвистикаси борасидаги тадқиқотлар бугунги кунда долзарб аҳамиятга эга.
Тил ва тилшунослик ҳақидаги билимлар уйғунлиги дастурнинг асосини ташкил қилади.