«тасдиылайман»

Маънавий-ахлоқий тайёргарликка бўлган махсус талаблар:
Ватанимиз мустақиллигининг гарови бўлган Қуролли Кучларимиз ҳарбий қудрати хар бир кишининг меҳнати билан яратилиши ва унинг янада мустахкамлаш учун чуқур билим, кўникма ва малакалар, ижодий фаолият, интизомийлик ва юксак иш қобилияти зарурлигига ўқувчиларнинг ишончи;
Ўзбек халқининг жанговар ва меҳнат анъаналарини руҳан қабул қилиш, Ватан химоячиси бўлган идеалларнинг уларда бўлиши;
Ўқувчиларда ижтимоий туйғулар бўлиши (бурч, масъулият, ватанпарварлик, душманга нафрат, юксак сезгирлик ва бошқалар);
«Ватанпарварлик», «Ватан», «Она юрт», «Ҳарбий бурч», «Жасорат», «Қахрамонлик», «Жасурлик», «Фидоийлик» каби ва бошқа таянч тушунчаларнинг мазмунини чуқур англашлар ва бошқалардир.


Рухий тайёргарликка бўлган махсус талаблар:
Рухий билиш жараёнларини (хотира, фикрлашнинг тезкорлиги, тасаввур, хар томонлама қабул қилиш), ирода сифатларини (қатиъятлик, жасурлик, рухий турғунлик, мақсадга интилганлик, бажарувчанлик, интизом, қўрқмаслик, Ватан учун ўзини ҳам фидо этишга шайлик), руҳий сифатларни (Ватанга мухаббат, душманларга нафрат ва бошқалар), ижтимоий рухий сифатларни (жамоага суяниш, ўртоқлик, ўзаро ҳамкорлик, бир-бирига ёрдам), юксак даражада ривожланганлиги;
Ҳозирги замон уруши хусусиятларини, янги қуролларни билиш, улардан сақланиш малакаларига эга бўлиши;
Хақиқий жанговар вазиятда учраши мумкин бўлган қийинчилик ва машаққатларни онгли равишда чуқур англаш;
Ҳарбий фаолият ва жанговар жамоа шароитларига кўникиш малакаларига эга бўлиш;
Ўз юриш-туришини бошқара олиш, баъзи бир туйғуларни (қўрқув, саросима, ўзини йўқотиб қўйиш) сўндира олиш, бошқа бир туйғуларни эса (Ватанга мухаббат, бурч, душманга нафрат) кучайтира олиш қобилиятларининг бўлиши;
рухий ва жисмоний қийинчиликларни енгиб ўтиш тажрибасининг борлиги;
рухий сифатларни бир фаолият туридан иккинчи бир фаолият турига ўтказа олиш имконияти ва бошқалардир.


Ҳарбий- техник тайёргарликка бўлган махсус талаблар:
Илмий-техник тараққиёт аҳамияти ва унинг ҳарбий ишга таъсирини, -Ўзбекистон Республикаси Мудофаа доктринасининг мудофаа хусусиятини, замонавий жанговар техника ва қуроллар томонидан аскарларга қўйилган юксак талабларни билишлари;
Чақириққа қадар бошланғич тайёргарлик асосларидан билим, кўникма ва малакаларнинг бўлиши;
-Ўзбекистон Республикаси Қуролли Кучларининг тузилиши, қўшин турлари хақидаги билимларга эга бўлиши, техника ва қуролларга қизиқиши, бирор бир ҳарбий мутахассисликни эгаллаш учун зарур билим ва малакаларнинг борлиги ва бу билимларни бошқа бир ҳарбий мутахассисликка ўтказа олиш имконияти;
Аниқ бир ҳарбий амалий фаолият тажрибасини борлиги (автомобиль, мотоцикл, тракторларни бошқара олиши, ўқ отар қуроллардан фойдалана олиши, парашютдан сакраши), ҳарбий қуроллардан жанговар вазиятда фойдаланишда ва вазифаларни бажаришда аниқ харакат қилиш малакаларига эга бўлиш;
Умумтехник кўникма ва малакаларни ҳарбий техник фаолият вазиятларига ўтказа олиш қобилиятининг бўлиши;