Tarmoq texnologiyasi va jihozlari

Nazorat savollari

1. 
   Qayta tarash jarayonini maqsad va mohiyatini izohlang.
   
2. 
   Qayta tarash jarayoniga xolst tayyorlash mashinasi haqida ma’lumot bering.
   
3. 
   Qayta tarash mashinasining 4 davrda ishlashini chizmasini keltirng.
   

5- Laboratoriya ishi
Mavzu: Piltalash mashinalari.
Ishni bajarishdan maqsad: Pilta yarim mahsulotini tekislash, tolalarni tо‘g’rilab, parallellash jarayonini о‘rganish. piltalash mashinalarining tuzilishi va ishlashini o‘rganish. Halqali ip yigirish mashinalariga yarim mahsulot tayyorlab berish jarayonini о‘rganish.
Ishning bajarilish tartibi:
1. Piltalash mashinasining tuzilishi, ishlashini о‘rganing. NSR 1000 mashinasini texnologik chizmasini chizing.
2. Yigirish korxonalaridagi boshqa turdagi tolalar uchun mо‘ljallangan piltalash mashinalar bilan tanishing.
Umumiy ma’lumotlar:
CHo’zish jarayonining maqsadi mahsulotni ingichkalashtirish, tolalarni to’g’rilash va orientasiyalash.
CHo’zish jarayonining mohiyati cho’zilayotgan mahsulotdagi tolalarni bir- biriga nisbatan siljitib kattaroq uzunlikda taqsimlash.
CHo’zish ikki xil bo’lib birinchi va ikkinchi tur cho’zish deyiladi. Birinchi tur cho’zishda mahsulotning uzayishi undagi tolalarning to’g’rilanishi va deformasiyalanishi evaziga, ikkinchi tur cho’zishda esa tolalar bor bo’yicha bir - biriga nisbatan siljishi evaziga sodir bo’ladi. Birinchi tur cho’zishdagi tolalarning uzayishi vaqtincha bo’lib, cho’zuvchi kuchlar ta’siri olingandan so’ng mahsulot dastlabki uzunlikga qaytadi. Ikkinchi tur cho’zishda mahsulotning uzayishi o’zgarmay qoladi. CHo’zish jarayonida oldin birinchi tur, keyin esa ikkinchi tur cho’zish ketma-ket sodir bo’ladi.
CHo’zish usullari ikki xil bo’lib, mexanik va aerodinamik cho’zish deb nomlanadi. Mexanik cho’zish cho’zuvchi asboblarda, aerodinamik cho’zish esa konussimon naycha-konfuzorlarda amalga oshiriladi.