Tarmoq texnologiyalari

Dinamik (Dynamic ACL). Misol uchun bizda qandaydir serverga bog`langan marshrutizator mavjud. Biz tashqi tarmoqdan marshrutizatorga ulanishni taqiqlab qo`yishimiz kerak, lekin bir vaqtning o`zida serverga ulanishi lozim bo`lgan bir qancha qonuniy foydalanuvchilar ham mavjud. Biz bu muammoning yechimini dinamik ACLdan foydalangan holda topishimiz mumkin. Dinamik ruxsat berishlar ro`yxatini sozlaymiz va uni tarmoqning kiruvchi yo`nalishiga qo`llaymiz. Serverga ulanishi lozim bo`lgan foydalanuvchilar esa marshrutizatorga Telnet orqali bog`lanishlari lozim. Buning natijasida dinamik ruxsat berishlar ro`yxati server uchun yo`lak ochib beradi va foydalanuvchi serverga HTTP orqali murojaat qilishi mumkin bo`ladi.Tartibga ko`ra bu yo`lak xar 10 daqiqada yopiladi va foydalanuvchi qurilmaga ulanishi uchun yana bir Telnetga murojjat qilishi lozim.