Тармоқ маркази “Ҳимояга тавсия этаман”

Битирув ишининг объекти ва предмети.
“Глобал ишлаб чиқариш тизими” фанининг “GM GMS тизими. Ходимларни жалб этиш” мавзуси бўйича модул яратиш – тадқиқот объекти, ушбу модул юзасидан ўқув – услубий материаллар ишлаб чиқиш ва унинг асосида модул тизимида ўқитиш жараёнларини ташкил этиш ва ундаги педагогик технологиялар тадқиқотнинг предмети ҳисобланади.
Битирув ишининг мақсад ва вазифалари.
Битирув ишининг мақсади “Глобал ишлаб чиқариш тизими” фанини модулли ўқитиш доирасида “GM GMS тизими. Ходимларни жалб этиш” мавзуси бўйича модул бирлигини яратиш ҳамда уларни ўқитишнинг самарадорлигини ошириш юзасидан илмий-амалий тавсияларни ишлаб чиқиш ҳисобланади.
Мақсадга эришиш учун қуйидаги вазифалар белгилаб олинди:

• 
  “GM GMS тизими. Ходимларни жалб этиш” фани тараққиётининг устувор йўналишларини ўрганиш ва таҳлил қилиш;
  
• 
  Фанни модулли ўқитиш самарадорлигини оширишда инновацион технологиялар ва илғор хорижий тажрибаларни ўрганиш;
  
• 
  Модул бўйича 2018 – 2019 ўқув йили учун силлабус тузиш;
  
• 
  Модул бирлиги бўйича кейслар, амалий топшириқлар ва ишланмаларни тайёрлаш;
  
• 
  Модул бирлиги бўйича ассесмент (даражали тестлар, кейс ва амалий топшириқлар) ишлаб чиқиш;
  
• 
  Фанни модулли ўқитиш самарадорлигини оширишда ходимларни жалб этишдан фойдаланишни такомиллаштириб бориш бўйича таклиф ва тавсиялар ишлаб чиқиш;
  
• 
  “GM GMS тизими. Ходимларни жалб этиш” модул бирлигидан ўқув жараёнида самарали фойдаланиш бўйича таклифлар ишлаб чиқиш.
  

Битирув ишини тайёрлашда фойдаланилган адабиётлар ва норматив-ҳуқуқий ҳужжатларининг қисқача таҳлили.
Ўзбекистон Республикаси Президенти томонидан ишлаб чиқилган Ўзбекистоннинг ўзига хос ривожланишининг белгиловчи энг асосий устувор йўналишлари, яъни Ҳаракатлар Стратегиясининг назарий ва методологик йўналишлари, Ўзбекистон Республикаси Олий Мажлиси, Ўзбекистон Республикаси Вазирлар Маҳкамаси томонидан қабул қилинган қонунлар, ҳукумат қарорлари ушбу мавзу бўйича етакчи олимларнинг илмий-тадқиқот натижалари, хорижда ва мамлакатимизда тўпланган илмий, амалий тажриба ва хулосалар ҳисобланади.