Тармоқ администраторлиги ва ахборот хавфсизлиги” ўқув курси намунавий дастури

“ТАРМОҚ АДМИНИСТРАТОРЛИГИ ВА АХБОРОТ ХАВФСИЗЛИГИ”
ўқув курси намунавий дастури (Cisco асосида)
(96 соат)

(Ахборот-коммуникация технологияларини жорий этиш ва ахборот хавфсизлигини таъминлашга масъул бўлган мутахассис ходимлар учун)

Тошкент 2022

1. 
   СЎЗ БОШИ
   

Ўқув курси ташкилотларда ахборот-коммуникация технологияларини жорий этиш ва ахборот хавфсизлигини таъминлашга масъул бўлган мутахассис ходимлар учун малака ошириш курсларини ташкил этиш мақсадида ишлаб чиқилган.

1. 
   Кириш
   

Ушбу дастурда кўзда тутилган “Тармоқ администраторлиги ва ахборот хавфсизлиги” ўқув курси ташкилотларда ахборот‑коммуникация технологияларини жорий этиш ва ахборот хавфсизлигини таъминлашга масъул бўлган мутахассис ходимлари учун локал ва глобал ахборот тармоқларида ишлаш, тармоқ топологиялари ва уларнинг таснифи, тармоқ технологиялари ва тармоқда ахборот хавфсизлиги таъминлаш ҳамда ахборотларни ҳимоялаш усуллари билан танишиш, бўйича билим ва кўникмаларини оширишга мўлжалланган.

2. 
   Ўқув курсининг мақсад ва вазифалари
   

Ўқув курсининг мақсади: ички ишлар органларида ахборот‑коммуникация технологияларини жорий этиш ва ахборот хавфсизлигини таъминлашга масъул бўлган ходимларнинг локал ва глобал ахборот тармоқларида ишлаш, локал ахборот тармоқларини қуриш, тармоқ топологиялари ва уларнинг таснифи, тармоқ қурилмалари ва уларнинг асосий вазифалари, тармоқ технологиялари ва тармоқда ахборот хавфсизлиги таъминлаш ҳамда тармоқда ахборот хавфсизлиги таҳдидлари, ахборот хавфсизлигини таъминлашнинг асосий йўллари, тармоқлараро экран технологияси, ҳимояланган виртуал хусусий тармоқлар, очиқ калитларни бошқариш инфраструктураси, ахборот коммуникация тизимларга суқулиб киришларни аниқлаш, маълумотлар узатиш тармоқларида ахборот ҳимояси, симсиз алоқа тармоқларида ахборот ҳимояси, хавфсизликни бошқариш ва ҳимоя тизимларини қуриш тўғрисидаги билимларини шакллантиришдир.