Tarixiy roman

Yetmish yoshga to‘lgan qariya umrining poyonida oila sha’ni, uning obro‘si va kelajagi haqida qattiq qayg‘uradi. Koreys xalqining eski oilaviy-maishiy odatiga ko‘ra, yetmish yashar chol Cho Ing Van yosh ma’shuqasi bilan birga yashaydi. Bu nikohdan to‘rt yashar qizchasi bor bo‘lsa-da, qariya yana o‘n besh yil yashashni va bu davr ichida merosxo‘r o‘g‘il ko‘rishni orzu qiladi. O‘g‘li Cho San Xun bilan munosabati yaxshi emasligi tufayli Cho Ing Van uni merosxo‘r deb hisoblamaydi. Kutilgan merosxo‘r o‘g‘il tug‘ilmagani bois, u o‘zining bosh merosxo‘ri etib nevarasi Dok Kini tanlaydi.

• Yetmish yoshga to‘lgan qariya umrining poyonida oila sha’ni, uning obro‘si va kelajagi haqida qattiq qayg‘uradi. Koreys xalqining eski oilaviy-maishiy odatiga ko‘ra, yetmish yashar chol Cho Ing Van yosh ma’shuqasi bilan birga yashaydi. Bu nikohdan to‘rt yashar qizchasi bor bo‘lsa-da, qariya yana o‘n besh yil yashashni va bu davr ichida merosxo‘r o‘g‘il ko‘rishni orzu qiladi. O‘g‘li Cho San Xun bilan munosabati yaxshi emasligi tufayli Cho Ing Van uni merosxo‘r deb hisoblamaydi. Kutilgan merosxo‘r o‘g‘il tug‘ilmagani bois, u o‘zining bosh merosxo‘ri etib nevarasi Dok Kini tanlaydi.
• «Birinchi martgacha» romanida yoritilgan qabriston mavzusiga «Uch avlod» romanida muallif kengroq o‘rin ajratadi. Lekin uning yechimida faqat faktlarni qayd etish bilan kifoyalanadi, kuzatuvchi sifatida ishtirok etadi. Chunonchi, «Birinchi martgacha» romanining qahramoni Li Inx Va qabrga sig‘inishga qarshi bosh ko‘targan va faol harakat qilgan bo‘lsa, roman qahramoni Cho Dok Ki ma’raka va qurbonlik keltirish marosimlarida oilaviy an’analarga rioya etish uchun mutelarcha ishtirok etadi.
• XIX-XX asrlar G‘arbiy Yevropa adabiyotida keng tarqalgan pul mavzusi koreys adabiyotida Yem San Sopning «Uch avlod» romaniga qadar qo‘yilmagan va bu darajada mufassal yechilmagan edi. Roman realizmining eng ulkan yutug‘i ham ana shunda.
• Ota va o‘g‘il to‘qnashuvi sahnasida qahramonlar o‘rtasidagi asosiy mojaro juda yorqin va haqqoniy ochib berilgan. Muallif San Xun boshqa muhit odami ekanligiga yana bir karra urg‘u beradi. Bu mazkur qahramonning qarashlari, so‘zlarida, uning o‘z otasi, boshqa qarindoshlari, ayoli bilan o‘zaro munosabatlarida namoyon bo‘ladi. San Xun – butunlay boshqa dunyo odami.
• Prinsiplar va real voqelik o‘rtasida keskin, murosasiz to‘qnashuv San Xun otasining gaplariga javob qaytarmay, jimgina turib chiqib ketganida, otasi uning ortidan baqirib qolganida yuz beradi.