Tarix Mavzu: Shavkat Mirziyoyev davrida O’zbekiston tashqi siyosatida yangi yo’l

Xorijiy mamlakatlar bilan barqaror, ishonchli va o‘zaro manfaatli munosabatlarni yo‘lga qo‘yish
Rossiya, AQSh, Xitoy, Fransiya va YIning boshqa davlatlari, Turkiya, Belarus, Misr, Osiyo-Tinch okeani mintaqasi va Yaqin Sharqning asosiy davlatlari bilan strategik sheriklik munosabatlari sifat jihatdan yangi darajaga ko‘tarildi.
Shuningdek, hukumat, vazirlik va idoralar hamda xalqaro tashkilotlar rahbarlari darajasida 360 ta tashrif bo‘lib o‘tdi. Hukumatlararo qo‘shma komissiyalarining 17 ta yig‘ilishi, tashqi ishlar vazirliklari o‘rtasida 25 ta va xavfsizlik masalalari bo‘yicha 34 ta maslahatlashuvlar o‘tkazildi.
Iqtisodiy diplomatiya
Bir qator xorijdagi muassasalarning shtatlar jadvaliga tashqi iqtisodiy masalalar bo‘yicha 14 ta yangi lavozim kiritildi.
2018-yilning 11 oyi davomida mahalliy tovarlar va xizmatlar eksporti 11,3 milliard AQSh dollarini tashkil etdi.
Dastlabki hisob-kitoblarga ko‘ra, 2018 yilda 2,7 milliard dollardan ortiq to‘g‘ridan-to‘g‘ri xorijiy investitsiyalar jalb etildi.
2018-yilning 11 oyi davomida O‘zbekistonga 4 millionga yaqin xorijiy fuqaro tashrif buyurdi (2017 yilga nisbatan 107 foizga ko‘p).
O‘zbekistonning xorijdagi har bir diplomatik va konsullik muassasalari mamlakatimizning muayyan hududlarga biriktirilgan.
2018-yil fevralidan boshlab diplomatik missiyalar rahbarlari biriktirilgan hududlarga muntazam ravishda tashrif buyurmoqdalar. Uchrashuvlar natijasida viloyat hokimliklari bilan hamkorlik bo‘yicha «Yo‘l xaritalari» qabul qilindi.
Mintaqalararo hamkorlik doirasida 171 ta tadbir tashkil qilindi.
Mahalliy hokimiyat organlariga xorijiy sheriklar bilan hamkorlik qilishda yordam berish maqsadida Tashqi ishlar vazirligining hududiy bo‘linmalari tashkil etilmoqda. Hozirda Buxoro, Urganch, Samarqand, Nukus va Termiz shaharlarida vazirlik bo‘linmalari faoliyat olib bormoqda.
Xalqaro tashkilotlar bilan hamkorlikni mustahkamlash
Noyabr oyida O‘zbekiston Xalqaro migratsiya tashkilotining to‘laqonli a’zosiga aylandi, Xalqaro mehnat tashkiloti bilan muvaffaqiyatli hamkorlik yo‘lga qo‘yildi. 23-24-noyabr kunlari Samarqandda Inson huquqlari himoyasi bilan shug‘ullanuvchi deyarli barcha nufuzli xalqaro tashkilotlar ishtirokida bo‘lib o‘tgan Inson huquqlari bo‘yicha birinchi Osiyo forumi xalqaro maydonda katta ijobiy qiziqish uyg‘otdi.
O‘zbekiston nomzodini BMTning Inson huquqlari bo‘yicha kengashi a’zoligiga olg‘a surish to‘g‘risidagi qaror xalqaro hamkorlar, jumladan MDH, Yevropa Ittifoqi davlatlari va boshqalar tomonidan qo‘llab-quvvatlanmoqda.