Tarix kafedrasi

Yillar	Non iste’mol qilish
Kamomad
1915	107.477.880	12.158.764
1916	111.575.083	22.539.226
1917	110.023.205	57.432.954

Ammo Turkistonda vujudga kelgan bunday murakkab vaziyat na Rossiya imperiyasi rahbariyatini, na o‘lkadagi mustamlaka ma’muriyatini tashvishga soldi. Mustamlakachilarni urush harakatlarini davom ettirsh uchun zarur xom ashyo va mahsulotlarni o‘lkadan ko‘proq tashib ketish qiziqtirgan, xolos.

Turkiston o‘lkasidan olib ketilayotgan xom ashyo va mahsulotlar miqdorini oshirish maqsadida temir yo‘llar qurilishiga alohida e’tibor qaratildi. Xususan, 1914-1916 yillar davomida Kogon-Termiz va uning shohobchasi sanalgan Qarshi-Kitob temir yo‘lini o‘z ichiga oluvchi Buxoro temir yo‘li, Qo‘qon-Namangan hamda Namangan-Andijon-Jalolobod temir yo‘lini o‘z ichiga olgan Farg‘ona va Yettisuv temir yo‘llari qurildi. Ana shu qurilgan barcha temir yo‘llar uzunligi 1125 kilometrni tashkil qildi.

Birinchi jahon urushi yillaridagi iqtisodiy qiyinchiliklarga qaramasdan Rossiya hukumati ma’murlari va savdo-sanoat burjuaziyasi o‘lkada temir yo‘llar qurilishiga e’tiborni yanada kuchaytirishga harakat qildi. Bundan maqsad o‘lka xalqlari yetishtirgan qishloq xo‘jaligi mahsulotlarini arzon narxlarda tashib ketish hamda o‘lka aholisining

Rossiyadan keltiriladigan don mahsulotlari, gazlama, qurilish materiallari va boshqa narsalarga qaramligini kuchaytirishdan iborat edi.