Tarix” kafedrasi “manbashunoslik va tarixshunoslik”

Birinchidan, istiqlol yillarida O’zbekiston mustaqil suveren davlat sifatida jahon hamjamitida o’ziga xos nufuzga ega bo’ldi. U o’zining katta ishlab chiqarish imkoniyatlari, boy aqliy va jismoniy salohiyati, tengsiz tabiiy boyliklari bilan dunyoning eng rivojlangan mamlakatlari diqqatini tortdi va ular bilan tengma-teng turib hamkorlik qilish qudratiga ega ekanligini ko’rsata oldi.

Ikkinchidan, eng og’ir, mashaqqatli va ziddiyatli paytlarda, o’tish davrining o’ziga xos murakkabliklari mavjud bo’lgan bir vaqtda mamlakatda siyosiy, ijtimoiy, iqtisodiy barqarorlikning saqlab turilishi mamlakat hukumati siyosatining naqadar hayotiy va xalqchil ekanligini ko’rsatadi. Ayniqsa, yuzdan ortiq millat va ealt yashayotgan mamlakatda turli aqidalar va g’oyalar ta’sirida bo’lgan aholining talab-ehtiyojlarini o’z vaqtida qondirish, ularning qarashlarini bir nuqtada jamlash alohida uddaburonlikni va qat’iyatlikni talab etadi. O’zbekiston hukumati xuddi ana shunday qat’iyatni ko’rsata bildi.