Tarix fakulteti Tekshirdi: Mirzayeva n 3-32-guruh

Shu yo’l bilan monarxiya saqlaniq qolindi. Bu hodisa iyul oyida ro’y berganligi tufayli tarixga ”Iyul monarxiyasi” nomi bilan kirdi. Lui – Filipp yirik o’rmon xo’jaligi egasi va moliyachi edi. Uning davrida mamlakat yangi Konstitutsiyasi qabul qilindi. Yangi Konstitutsiyada so’z, matbuot, yig’inlar o’tkazish erkinliklari e’lon qilindi. Saylovchilar uchun yosh va mulk senzlari kamaytirildi. Konstitutsiya qirol hokimiyatini chekladi, ayni paytda, parlamentning rolini oshirishni ko’zda tutuvchi moddalar kiritildi.

Iyul monarxiyasi inqirozi.

Yangi qirol va konstitutsiya xalq ommasining ahvolini yengilashtira olmadi. Aksincha, davom etayotgan sanoat to’ntarishi aholining qashshoqlanishini yanada kuchaytirdi. Ishchilarning ish vaqti 12 – 16 soat davom etardi. Ishchini korxona egasi istagan paytida ko’chaga haydashi mumkin edi. Ayniqsa to’qimachilik sanoati ishchilaring ahvoli o’g’ir edi. Birgina Lion shahrining o’zida o’ttiz mingga yaqin to’quvchi qashshoqlikda yashar edi. Korxona egalari ularning ish haqqini oshirish haqidagi talabini rad etishi 1831 – yilda qo’zg’olon ko’tarilishiga olib keldi. Qo’zg’olonchi to’quvchi ishchilar o’z bayroqlariga “Ishlab yashaylik yoki jang qilib o’laylik” deb yozib olgandilar.

Qo’zg’olonchilar Lion shahrini egallab oldilar. Biroq poytaxt Parijdan Lionga yuborilgan 20 ming kishilik qo’shin qo’zg’olonni shafqatsizlik bilan bostirdi. Hukumat to’qimachilar qo’zg’olonidan tegishli xulosa chiqarib olmadi. Aksincha, ta’qib etish siyosati bilan ishchilarni itoatda tutishga urindi.

Oqibatda, 1834 – yilda Lion to’quvchilari ana qo’zg’olon ko’tardilar. Bu safar qo’zg’olonchilar faqat ish haqqini oshirish talabi bilan cheklanib qolmadilar. Ular endi respublika tuzumini o’rnatilishini ham talab qildilar. Shahrda ishchilarning hukumat qo’shini bilan shiddatli janglari olti kun davom etdi. Oxir – oqibatda, bu qo’zg’olon ham shafqatsiz bostirildi. Qirol siyosatidan o’rta va mayda burjuaziya ham norozi edi. Ular han respublika tuzumi o’rnatilishini, saylov huquqini kengaytirishni talab qila boshladilar.